Кабар жана жарыялар

11-июнь 2019жылына чейин “Онлайн университет китепканасы” аттуу орусча электрондук маалымат базасына сыноочу байланыш ачылды.

  «2019-жыл - Фуат Сезгинди эскерүү жылы» .

Үстүбүздөгү жылдын 19-апрелинде КТМУда Ислам ааламынын илимий жетишкендиктерин иликтеген белгилүү түрк окумуштуусу, проф. Фуат Сезгинди эскерүү жылынын ачылыш аземи болуп ѳттү.

Студенттердин университет жетекчилири менен баарлашуу жыйыны 4-апрель күнү туризм жана мейманкана жогорку мектеби жана көркөм өнөр факультетинде ѳттү.

Жыйында университеттин ректору, профессор Себахаттин Балжы студенттерге ѳз акыл-кеңешин айтты: “Билимдин жолу кенен, канча эмгектенсең ошончо билимдүү болосуң дегендей, талыкпай татыктуу билим алгыла.  Интернет заманында технологияны туура пайдалануу менен жаңы маалыматка ээ болууга, билимиңерди өркүндөтүүгө жана ар тараптан жөндөмдүү, шыктуу, билимдүү жана дилгир болууга аракет кылгыла. Топ ичинде иштеше билүү ийгиликке алып келет, ошондуктан бири-бириңер менен ынтымактуу болгула. Учурда КТМУнун бүтүрүүчүлѳрү дүйнѳнүн тѳрт бурчунда эмгектенишип жүрүшѳт, кээ бирлери ѳз ишканаларын ачып жатышат. Биз ѳз бүтүрүүчүлѳрүбүз менен абдан сыймыктанабыз. Андыктан алардан үлгү алгыла деп айтмакчымын”.

MEDIA MANAS

 http://mediamanas.kg/lang-tr/3195-rektrlk-sohbet-toplantlar-devam-ediyor.html

 

 

7-апрель Элдик революция күнү эскерилди.

2019-жылдын 5-апрелинде университетте 7-апрель - Элдик революциянын 9 жылдыгын эскерүү максатында илимий иш-чара болуп ѳттү.

Жыйынга университет жетекчилери, окутуучулук жамаат жана студенттер катышты.

Иш-чара 7-апрель күнү шейит кеткендерди бир мүнѳттүк эскерүү менен башталды. Андан соң эки ѳлкѳнүн улуттук гимндери аткарылып, 7-апрель - Элдик революция тууралуу видео тасма кѳрсѳтүлдү.

Ачылыш сѳзүндѳ университеттин ректору, профессор Себахаттин Балжы: «Бүгүн 7-апрель - Элдик революциянын 8 жылдыгын эскерип олтурабыз. 2010-жыл Кыргызстанда эң кыйын кырдаал болуп,  революциянын кесепетинен 87 адам курман болду. Алладан суранам ал инсандардын жанын жаннаттан кылышын. Ошол жылдары мен Кыргызстанда элем, дал ошол 7-апрель күнү менин Жогорку Кеңеште жолугушуум бар эле. Бизге чалып, ал жолугушууну башка күнгѳ жылдырганын билдиришти. Анан кайра түштѳ саат бирге келгиле деп чалышты. Мен Жогорку Кеңешке киргенимде эл толтура эле, ал жактан чыксам ЖКнын ичинде эч ким кѳрүнбѳйт, бирин экин киши бар, алардын да жүздѳрү купкуу. Ал күнү университетке келип, чукул жыйын жасадым. Оор жаракат алгандардын абалдарын сураганы барганыбызда ооруп турса да баары жакшы деп эли-жери, мекени үчүн күрѳшкѳн чыныгы эр-жигиттерди кѳрүп, таң калдым. Кыргыз-Түрк «Манас» университети ошол кыйын күндѳрдѳ кол сунуп, жардам бере алды.», - деп эскерди ректор.

Ачылыш сѳздѳрүнѳн кийин иш-чара илимий жыйын менен уланды. Анда тарых бөлүмүнүн окутуучусу, доц. Мурат Кожобеков “7-апрель - Элдик революция”, ага окутуучу, доц. Юнус Эмре Гүрбүз “Кыргызстандагы 2005-ж, 2010-ж. элдик көтөрүлүштөр,  Көп жактуулук саясий системасынын түзүлүшү” аталышында баяндама жасашты. Ал эми эл аралык мамилелер бөлүмүнүн ага окутуучусу Алтынбек Жолдошов “Кыргызстандагы Парламенттик шайлоо системасы жана элдик толкундоолор (2005-ж, 2010-ж.)” деген аталышта презентация көрсөттү.

MEDIA MANAS

Уландысы:  http://mediamanas.kg/lang-tr/3196-7-nisan-halk-devrimi-anld.html

 

 

 

 

Кыргыз-Түрк “Манас” университетинде Ахыска түрктөрүнүн маданияты таанытылды. Ага Түндүк Кипр Түрк Республикасынын Кыргызстандагы өкүлү Атынч Кескин, окуу жайдын ректору, профессор Себахаттин Балжы, Ахыска түрктөрү уюмунун жетекчиси А.Дурсунов, Ахыска сүргүнүнүн катышуучулары жана студенттер катышты.

«Карьера күнү» иш-чарасы ветеринария факультетинде уланды.

Иш-чара 10-апрелде уюштурулуп, ага ветеринария тармагындагы алдыңкы 8 фирманын өкүлдөрү катышты.

2019-жылдын 27-мартында “Бишкек-Парк” соода-оюн-зоок борборунда Кыргыз Республикасынын ашпозчулар ассоциациясы тарабынан Кесиптик-техникалык билим берүү агеттигинин колдоосу менен “Бишкек кулинардык фестивалы” уюштурулду.

Аталган иш-чарага Бишкектеги жогорку окуу жайларынан жана кесиптик орто билим берүү мекемелеринен 10дон ашык тайпалар катышышты. Фестиваль “Жылкы этинен даярдалаган тамак”, “Кой этинен даярдалган тамак”, “Балыктан даярдалган тамак”, “Заманбап түрдѳ кооздолгон ресторан тамагы” ж.б. номинацияларда ѳткѳрүлдү. 

Бул фестивалга университетибиздин “Ресторан иши жана кулинардык өнөр” бөлүмүнүн ага окутуучусу Сапаргүл Турдубекова жана бѳлүмдүн студенттери катышышты. Фестиваль жогорку атаандаштыкта ѳтүп, жыйынтыгында окуу жайыбыздын  “Ресторан иши жана кулинардык өнөр” бѳлүмүнүн 3-курсунун студенти Бактыбеков Жыргалбек 1-орунду, 4-курстун студенти Акылай Ашырбаева 3-орунду жана кара куту конкурсунда бөлүмдүн тайпасы командалык 2-орунду жеңип алышты.

MEDIAMANAS

http://mediamanas.kg/lang-ky/3209-manas-universitetinin-studentteri-baygelerdi-bagyndyruunu-ulantyp-kelishd.html

Үстүбүздѳгү жылдын 10-апрелинде  Кыргыз-Түрк  «Манас» университетинде «Кыргыз жана Түрк тилдерин Аралыктан окутуу программасынын»  ачылыш аземи  болуп ѳттү. Иш-чарага окуу жайдын жетекчилиги, факультеттин мүдүрлѳрү, Мамлекеттик тил боюнча Улуттук комиссиянын ѳкүлдѳрү, БГУнун окутуучулары жана Чет тилдер жогорку мектебинин окутуучулар жана студенттер жамааты катышты.

2019-жылдын 12-апрелинде Кыргыз-Түрк «Манас» университетинин ректору, профессор Себахаттин Балжы жана биринчи проректор, профессор Асылбек Кулмырзаев КР Улуттук илимдер академиясынын президенти Муратбек Жуматаев менен жолугушту.

«Ѳз кѳчѳтүңүздү тигип кетиңиз».

Окуу жайда жаз мезгили келээри менен жашылдандыруу, бак отургузуу иштери салтка айланган. Быйыл да Чыңгыз Айтматов атындагы кампустун тегерегин жашылдандыруу максатында «Ѳз кѳчѳтүңүздү тигип кетиңиз» иш-чарасы болуп ѳттү.