Кабар жана жарыялар

Кыргыз-Түрк “Манас” университетинин “МЕДИА МАНАС” медиа борбору  (Радио жана телекөрсөтүү башкармалыгы) ыраазычылык каты менен сыйланды.

Ыраазычылык каты Кыргыз Республикасынын Ѳкмѳтүнѳ караштуу Жаштар иштери, дене тарбия жана спорт боюнча мамлекеттик агенттиги тарабынан коррупцияны алдын алуу максатында чыгарылган социалдык видеороликти тартууда кѳмѳк кѳрсѳткѳндүгү үчүн берилди.

Үстүбүздѳгү жылдын 30-ноябрында аталган агенттиктин башчысы К.Шабданбаев “Медиа Манас” борборунун кызматкерине ыраазычылык катын тапшырды.

Медиа Манас

 

“Expo Autumn” эл аралык конкурсунан сыйлык

КТМУнун коммуникация факультетинин адиси, сүрөтчү Фахри Тархан "Turkish Diaspora Media Awards" сынагына катышып, биринчи орунга ээ болду.

Ал ѳзүнүн Кыргызстандын фотосүрөттөр портфелиндеги үч кадры менен сыйлыкты жеңип алды.

2020-жылдын 01-декабырынан 2021-жылдын 28-февралына чейин “Wiley Online Library” электрондук маалымат базасына сыноочу байланыш ачылды.

“Wiley Online Library” - Wiley  басма үйүнө таандык электрондук маалымат базасы болуп саналат. Wiley  басма үйү – 1807-жылы John Wiley & Sons тарабынан түзүлгөн, бардык тармактардагы илимий ресурстарды басып чагырган мультидисциплинардык, академиялык, дүйнөдөгү эң эски жана абройлуу эл аралык басма үйү болуп саналат.

Университетибиз үчүн байланыш ачылган электрондук маалымат базаларын үйдө колдонуу үчүн китепканабыздын веб баракчасынын “Колдонмо көрсөткүчтөр” бөлүмүндөгү (http://library.manas.edu.kg/index.php/kg/koldonmo-korsotkuchtor) “Маалымат базаларга тыштан байланышуу” файлын көрүшүңүздөр керек.

(Кыргыз-ТҮРК “Манас” университетинин академиялык ишмердүүлүктү баалоо жана шыктандыруу боюнча нускамасы)

  1. “Кыргыз-Түрк “Манас” университетинин Кыргыз жана түрк тилдерин өздөштүрүү деңгээлин аныктоо сынагын өткөрүүнүн негиздерине” ылайык 2020-жылдын 07-декабрынан 10-декабрына чейин Тил өздөштүрүү деңгээлин аныктоо сынагы” өткөрүлөт.

Жогоруда аталган сынакка катышууну каалагандар “Кыргыз-Түрк “Манас” университетинин Кыргыз жана түрк тилдерин өздөштүрүү деңгээлин аныктоо сынагын өткөрүүнүн негиздерине” ылайык катталуу керек.

COVID-19 пандемиясына байланыштуу ректораттын буйругу менен сынак онлайн (online) түрүндѳ ѳткѳрүлѳт.

 

  1. Сынак өткөрүү тартиби жана жыйынтыктарды баалоо
  1. Кыргыз жана түрк тилдерин өздөштүрүү деңгээлин аныктоо сынагы эки негизги этаптан турат: жазуу жана оозеки.
    1. Жазуу түрүндөгү сынак төмөндөгү этаптардан турат: тест, жазуу жүзүндө оюн билдирүү жана которуу. Жазуу түрүндөгү сынактын ар бир этабы үчүн (тест, жазуу жүзүндө оюн билдирүү жана которуу) 25 балл берилет.
    2. Оозеки сынагында талапкерлер өз тармагы боюнча белгилүү бир темада сабак өткөрүп, оозеки сүйлөшүү жөндөмдүүлүгүн көрсөтөт. Оозеки сынагы 25 баллдык шкала менен бааланат,
  2. Сынакты ийгиликтүү тапшыруу үчүн талапкер мүмкүн болгон 100 (жүз) баллдан кеминде 70 (жетимиш) балл алышы керек.
  3. Чет тилдер жогорку мектебинин жетекчилиги сынактын жыйынтыгын сынак өткөрүлгөн күндөн 10 (он) жумуш күнү ичинде ректоратка жиберет.
  4. Сынактын жыйынтыгына жазуу түрүндөгү даттануу арызы сынактын жыйынтыктары расмий жарыялангандан 3 (үч) күндүн ичинде ректоратка жиберилет. Сынак жыйынтыктарында олуттуу жаңылыштыктар болсо гана даттанууга жатат.
  5. Сынактын жыйынтыктарын кайра баалоо: Чет тилдер жогорку мектебинин жетекчилиги сынак комиссиясынан сырткары 3 (үч) мүчөдөн турган сынактын жыйынтыктарына даттануу арыздарын кароо үчүн комиссия түзөт. Бул комиссия 3 (үч) күндүн ичинде даттанууларды карап чыгып, жыйынтыкты Чет тилдер жогорку мектебинин жетекчилигине билдирет.

 

  1. Кыргыз жана түрк тилдерин өздөштүрүү деңгээлин аныктоо сынагын өткөрүүнүн негиздеринин 3-беренесине ылайык, a, b, c, d пунктарында аталган сынакты ийгиликтүү тапшыргандар өз тармагы боюнча бир теманы түшүндүрүп берүүсү абзел.
    1. Сабакты түшүндүрүү, окутуучунун окуу планындагы бир тема болушу керек.
    2. Окутуучу иштеп жаткан бөлүмдүн сабактарынын өзгөчөлүгүнө ылайык, башка тилде түшүндүрүү мүмкүн эмес болгон учурда (ЧТЖМ окутуучулары, Синхрондук котормо, Орус тили жана адабияты, Англис тили жана адабияты ж.б.) өз кесибине байланыштуу бир темада семинар өтсө болот.

 

 

 

Сынак

 

 

Жазуу сынагы

 

 

Оозеки сынагы

Сынакка катышуучулардын акыркы катталуу күнү

Сынак жыйынтыктарынын жарыяланышы

 

Түркия түркчөсү

07.12.2020

саат: 10:00

08.12.2020

саат:  10:00

 

 

 

02.12.2020

 

 

 

 

17.12.2020

 

 

Сынак өткөрүлүүчү жер:

Cынак онлайн (online) түрүндѳ ѳткѳрүлѳт

 

Кыргыз түркчөсү

09.12.2020

саат: 10:00

10.12.2020

саат: 10:00

Сынак өткөрүлүүчү жер:

Cынак онлайн (online) түрүндѳ ѳткѳрүлѳт

 

  1. Катталган окутуучулардын тизмелери 2020-жылдын 03-декабрында иш күнү бүткөнгө чейин Чет тилдер жогорку мектебинин мүдүрлүгүнө билдирилиши зарыл. Каттоо формасы
  2. Сынакка катталгандар тигил же бул себептерден улам сынакка катыша албай калган кырдаалда, алар үчүн жүйөсынак уюштурулбайт.

 

Эскертүү: Сынак онлайн (online) түрүндѳ ѳткѳрүлѳт.

Кыргыз-Түрк “Манас” университетинин бүтүрүүчүлѳрү кинофестивалдарда байгелүү сыйлыктарды багындырып, окуу жайдын капчыгын жаңы сыйлыктар менен толукташууда.

Бул жолу ТРТ (Түркия радио телеберүү мекемеси) тарабынан 6-жолу уюштурулган "Коомуникация тармагынын болочок адистери - 2020" эл аралык кинофестивалында коммуникация факультетинин радио, телевидение жана киноискусство бөлүмүнүн бүтүрүүчүлөрү: Гүлнара Айтмаматова, Аманат Рахманова жана Лунара Жээнбекованын дипломдук иш үчүн тарткан фильмдери байгелүү орундарга татыды.

Даректүү тасма категориясында Гүлнара Айтмаматованын "Тайгак жол" аттуу тасмасы 1-орунду, ал эми Аманат Рахманованын "Аманат конуш" даректүү фильми ушул эле категорияда 2-орунду алса, Лунара Жээнбекованын "Тогуздан кийинкиси эгиз" аттуу фильми 3-орунду ээлеген.

Стамбул шаарында ѳткѳн бул иш-чарага бир нече ѳлкѳдѳн, жалпысынын 75 университеттен 731 студент онлайн форматта катышкан жана 625 даректүү тасма ат салышкан. Эмгектер ТРТ телеканалында көрсөтүлгѳн.

Медиа Манас

 

Үстүбүздѳгү жылдын 5-8-ноябрь күндѳрү Сербиянын Нови-Сад шаарында самбо боюнча дүйнѳ чемпионаты ѳтүп, ага 30 мамлекеттен 400дѳн ашуун катышуучу катышкан.

Аталган чемпионатта Кыргыз-Түрк “Манас” университетинин дене тарбия жана спорт жогорку мектебинин магистранты Тентиев Иманбек 52 кг салмагында күрѳшүп, 2-орунду багындырган.

Иманбекти ийгилиги менен куттуктап, мындан ары да спорттогу жеңиштерди каалайбыз.

Медиа Манас

 

Университетибиз үчүн 1-ноябрь 2020 күнүнөн баштап “Web of Science”, “EBSCOHost” жана “Toktom” маалымат базаларына бир жылдык байланыш ачылды.

“Web of Science Core Collection” маалымат базасы, дүйнөдөгү импакт фактору жогору болгон, табигый илимдер, коомдук илимдер, искусство жана гумманитардык илимдер тармагындагы 21 миңден ашуун журналдарды, 200 миңден ашык конференциялардын 10,5 миллиондон ашык докладдарды, 110 миңден ашык китептерди камтыган, Clarivate Analytics фирмасынын көп тармактуу шилтеме индекстеринен түзүлгөн маалымат базасы болуп саналат. Маалымат базага кампус ичинен жеке каттодон өтүп, ошол каттоо аркылуу кампус тышынан да колдонсо болот. 

“EBSCOHost” маалымат базасы 17 миңге жакын журналдарды камтып, алардын ичинен ачык байланышта болбогон 2300 журналдын толук текстин камтыган чоң платформа болуп саналат. EBSCO журналдардын акыркы санын жана 1950-жылдарга чейинки сандардын архивин да камтыйт. Университетибиз үчүн EBSCOHostтун Academic Search Premier, Business Source Premier, GreenFILE, MasterFILE Premier, MEDLINE, ERIC, Regional Business News, Library, Information Science & Technology Abstracts, MasterFILE Reference eBook Collection, eBook Collection (EBSCOhost) аттуу маалымат базаларына байланыш ачылды. Кампус тышынан кирүү үчүн кириш атын жана сыр сөзүн китепканабыздан алсаңыз болот,  (Телефон: 492765 iç hat 837, 868. e-mail Этот адрес электронной почты защищен от спам-ботов. У вас должен быть включен JavaScript для просмотра.)

 “Токтом” маалымат базасы – Кыргызстандын мыйзамдарын камтыйт. Күн сайын жаңылануу болуп, жаңы мыйзамдарды убагында ала аласыздар.

Маалымат базаларга китепканабыздын веб баракчасы аркылуу кире аласыздар (http://library.manas.edu.kg).

COVID-19 пандемиясына байланыштуу университетибизде окуу  процесстери онлайн түрдө жүргүзүлгөндүктөн, окуу процессине жардам катары китепканабыздагы  окуу материалдарын электрондоштуруу иши уланууда. Бул электрондук материалдарга http://elib.manas.edu.kg/ адресинен байланыша аласыздар. О.э. калган электрондук маалымат базаларына китепканабыздын веб баракчасынан (http://library.manas.edu.kg/) кирүүгө болот. Суроолор үчүн Этот адрес электронной почты защищен от спам-ботов. У вас должен быть включен JavaScript для просмотра. адресине байланышыңыз.