Кабар жана жарыялар

19-январда   Кыргыз-Түрк «Манас» университетинин Түркология бөлүмү н үн окумуштуулары профессор Кадыралы Конкобаев, доц.м.а. Нурдин Усеев, илимий кызматкер Негизбек Шабданалиевдердин авторлугунда Эл аралык Түрк академиясы тарабынан басмадан орус жана түрк тилдеринде чыгарылган «Алтай Республикасындагы байыркы түрк жазма эстеликтеринин атласы» деген китептин бет ачары болуп өттү. Бул  иш-чарага университет жетекчилери, бир катар тарыхчы - окумуштуулар, Жогорку Кеңештин депутаттары жана медиа өкүлдөрү катышты.

2016-жылдын 19-январында Касым Тыныстанов атындагы жыйындар залында Эл аралык мелдештерде Кыргызстандын намысын коргоп, улуттук спорттун өнүгүшүнө салым кошуп келе жаткандыгы жана окуу жайыбыздын студенттерине, өлкөбүздүн спортчуларына жана машыктыруучуларына илимий-методикалык, ошондой эле педагогикалык иштерин жүргүзүп келе жаткандыгы үчүн Дене тарбия жана спорт жогорку мектебинин ага окутуучулары, тагыраак айтканда, доцент Сердар Гери менен доцент Билал Демирхан Кыргыз Республикасынын Улуттук олимпиадалык   комитети нин жана Кыргыз мамлекеттик Дене тарбия жана спорт академиясынын ыраазычылык грамотасы жана мааракелик медалы менен сыйланышты.

Окуу жайыбыздын Туризм жана мейманкана иштетүү жогорку мектеби Кыргызстандын туризм тармагынын өнүгүүсүнө өз салымын кошуп, жигердүү иштерди жүргүзүп келе жатат.

Университеттин 201 5 -201 6 окуу жылынын экинчи жалпы профессордук-окутуучулук жамаатынын жыйыны 2016-жылдын 22-январь күнү саат 16 . 00до университетибиздин Экономика жана башкаруу факультетиндеги К. Тыныстанов атындагы жыйындар залында ректорубуз, профессор Себахаттин Балжынын жетекчилигинде, биринчи проректор, профессор Асылбек Кулмырзаевдин жана башка жетекчилерибиздин катышуусунда өткөрүлөт.

Коммуникация факультетинин студенттери 2015-жылы бир катар ийгиликтерди багындырып, окуу жайыбызга кубаныч тартуулашты. Алсак, студенттерибиз Түркияда жыл сайын өтүүчү Айдын Доган фонду тарабынан уюштурулган “Жаш медиа өкүлдөрү” аттуу конкурста “Кыска метраждуу фильмдер” категориясында 2-орунду жеңип алышкан. Андан соң Бишкекте “Айтыш-фильм киностудиясы” тарабынан өткөрүлгөн “ Кыргызстан – кыска метраждуу тасмалардын өлкөсү ” аттуу V эл аралык кинофестивалда “Мыкты тасма” жана “ Көрөрмандардын тандоосу” номинацияларына ээ болушту.

КЫРГЫЗ-ТҮРК «МАНАС” УНИВЕРСИТЕТИ
ТАБИГЫЙ ИЛИМДЕР ИНСТИТУТУ ЖАНА   КООМДУК ИЛИМДЕР ИНСТИТУТУ
 
2015–2016 окуу жылынын  жазгы семестринде төмөндө көрсөтүлгөн багыттар боюнча магистратура жана докторантура  (Ph.D) программаларына талапкер кабыл алат.

Стамбул борбордук муниципалдык мэриясынын китепкана жана музейлер башкармалыгына караштуу Ататүрк атындагы китепканада сакталган кол жазма эстеликтери, документтер жыйнагы, араб тамгасы пайдаланып жазылган китептер, чет тилде жазылган китептер, альбомдор, открыткалар, карталар, мезгилдүү басма сөз, армян тилинде жазылган китептер, макалалар маалымат базасы электрондук системага киргизилип колдонууга байланыш ачылды.

Окуу жайыбыздын Туризм жана мейманкана иштетүү жогорку мектебинин мүдүрү, доц. Барыш Эрдем жана аталган жогорку мектептин ага окутуучусу Надира Турганбаева 28-декабрь күнү КРнын Маданият, маалымат жана туризм министрлигине караштуу Туризм департаментинин жетекчиси Азамат Жаманкуловго жолугуп келишти.

2015-жылдын 21-декабрында Коммуникация факультетинин Журналистика бөлүмүнүн башчысы, саясий илимдердин кандидаты Бакыт Орунбековдун “Журналистика негиздери” деген окуу китебинин ачылышы болуп өттү.

Китептин ачылыш аземине окуу жайыбыздын жетекчилери, коомдук ишмерлер, автордун замандаштары жана студенттер катышышты.

25-декабрь күнү Кыргыз-Түрк «Манас» университетинин Ден соолук, маданият жана спорт башкармалыгынын Маданият бөлүмү тарабынан даярдалган «Жаңы жылды утурлай, Манаста бий, күү ушундай» аттуу жаңы жылдык концерт болуп өттү.