Кабар жана жарыялар

 

 

2015-жылдын 5-6-октябрында Инженердик факультетинин Тамак-аш бөлүмү тарабынан «Регионалдык тамак-аш өндүрүшүнүн туруктуу өнүгүшү үчүн тамак-аш илимдери» аттуу илимий-практикалык конференция болуп өттү. 

4-октябрь күнү Кыргызстанда өтүүчү парламенттик   шайлоого Түркиядан эл аларык эксперт катары катышмакчы болуп келген депутаттык делегация: Түркия   Улуу улуттук   парламентинин Чорум шаарынын депутаты Жахит Байлы, ТУУПнин парламентинин Бурса шаарынын депутаты Еркан Айдын жана ТУУПнин экперти Мехмет Яйла Чичекли Манас университетине келишти.

Бүгүн, 22-сентябрда Мамлекеттик тарых музейинде Кыргыз Республикасынын Президентине караштуу Мамлекеттик тил боюнча улуттук комиссиясы тарабынан Мамлекеттик тил күнүнө арналган “Кыргыз Республикасынын Мамлекеттик тили жөнүндө мыйзамга 26 жыл” аттуу иш чара болуп өттү. Иш чарага КРнын Президентинин аппаратынан, ЖКдан, КР ϴкмөтүнүн өкүлдөрү жана тилчи мугалимдер катышышты.

 

2015-жылдын 4-сентябрында «Кыргыз Бетон» ЖЧКсы Кыргыз-Түрк «Манас» университетинин китепканасына, тагыраак айтканда, 46 000 миң сом өлчөмүндө 125 китеп белек кылышты.

 

Орозо айт - өз ара элдешүүнүн, кечиримдин, бейпилдиктин жана аруулануунун майрамы.

Ыйык Орозо айт майрамын майрамдоо салтанаты университеттин Турмуш тиричилик тейлөө имаратында өтүп, ага университеттин биринчи проректору, профессор Асылбек Кулмырзаев, проректор, профессор Али Бахадыр, университеттин академиялык жана административдик кызматкерлери үй-бүлөлөрү менен, ошондой эле студенттер катышышты.

Манас - 2015 Студенттерди кабыл алуу жана жайгаштыруу борборунун (СКЖБ) сынак жыйынтыктары

Манас университетинде билим алууну каалаган абитуренттер үчүн Кыргызстандын ар тарабындаСтуденттерди кабыл алуу жана жайгаштыруу борбору өз ишин алпарып, абитуренттердин документтерин кабыл алды.

Ошентип, Бишкек, Каракол, Талас, Нарын, Жалал-Абад, Ош шаарларында жайгашкан СКЖ борборлоруна келип, каттоодон өткөн миӊдеген абитуренттер чыдамсыздык менен күтүп жаткан кирүү сынактарынын жыйынтыктары белгилүү болду.

“ Кока - Кола Бишкек Боттлерс ” жабык акционердик коомунун генералдык мүдүрү Ердинч Гүзелдин чакыруусу менен университет ректору, профессор Себахаттин Балжы аталган ишкананын ишмердүүлүгү менен таанышып, өз ара пикир алышып келди.

Белгилүү театр режиссеру, д раматург жана Кыргыз-Түрк “Манас” университетинин Консерваториясынын Театралдык өнөр бөлүмүнүн башчысы, ага окутуучу Аманбек Жапаровдун “Эр достугу - эгиз, эл достугу - деңиз" аттуу спектаклинин бет ачары 2015-жылдын 25-июнунда Т.Абдымомунов атындагы Кыргыз улуттук драма театрында болду. Пьесада казак президенти Нурсултан Назарбаев менен кыргыздын коомдук ишмери Марат Акматаев экөөнүн достугу, алардын бала кезинен тартып студенттик мезгили чагылдырылат. Ошондой эле кыргыз менен казак элинин кылымдардан бери келаткан бир туугандык карым-катнашы, тилинин, нарк-насилинин, каада-салтынын окшоштугу, качанкы бир кездеги окуяларды, өткөн менен кеткенди эске салып, келечек муундардын ортосундагы маданий, достук байланышын арттырууга данакер боло турган баалуулуктар камтылган.

Университет ректору, профессор Себахаттин Балжы, Манас университетинин Студент тандоо жана жайгаштыруу борборунун башчысы Хакан Таш жана аталган борбордун жооптуу координатору Мирзат Ракимбек уулу менен бирге жыл сайын июль айынын биринчи жекшембисинде өтүүчү Кыргыз-Түрк «Манас» университетинин 2015-2016-окуу жылы үчүн кирүү сынагынын каттоо иштери тууралуу маалымат алуу максатында абитуриенттер менен жолугушту. 

2015- жылдын 13-14- июль күндөрү университет ректору , профессор Себахаттин Балжы Түркиянын мамлекеттик телерадиокомпанияларынын түз эфирлеринин коногу болуп катышып , Манас университетин таанытып келди .