«Ассанабиль» кайрымдуулук фондунун өкүлдөрү
2014-жылдын 22-январында Бириккен Араб Эмиратынын «Ассанабиль» кайрымдуулук фондунун башкы мүдүрү Саид Баюми жана мүдүр орун басары Мухаммад Абдуль Карим мырза университет ректору Себахаттин Балжы менен жолугушту. Жолугушууда аталган фонддун өкүлдөрү Кыргыз-Түрк «Манас» университети менен биргеликте билим берүү тармагында иш алып баруу сунушу тууралуу сүйлөшүштү.
Кыргызстан Аксакалдар Кенеши
22-январь күнү университет ректору Себахаттин Балжы Кыргыз Республикасынын Аксакалдар Кенешинин Төрагасы Дөөлөтбек Шадыбеков жана айкелчи Жолдошбек Бусурманкуловду кабыл алды.
Оксфорд Академиялык Союзуна мүчө болдук
Кыргыз-Түрк «Манас» университети Оксфорд Академиялык Союзуна мүчө болуп кирди. Жакында ректор Себахаттин Балжы Европалык Бизнес Ассамблеясынын чакыруусу менен жана эл аралык “Сократ сыйлыгынын” лауреаттарынын урматына өткөрүлө турган Австриянын Вена шаарында Паллавичин кронпринц сарайында өткөн иш чарага катышып келди.
Салтанатта КТМУнун ректору Себахаттин Балжыга Оксфорд Академиялык Союзуна киргендигин тастыктаган мүчөлүк сертификаты тапшырылды.
Аталган союз 2014-жылдын 13-октябрында Европанын эң байыркы жана илимий борбору катары даңкталган Оксфорд университетинде Оксфорд Лидерлер саммитинин «Илим жана Билим. Өнүгүүнүн инновациялык моделдери» аталышындагы отурумунда Европалык Ректорлор клубу алкагында түзүлгөн.
Бул жолугушуунун уюштуруучулары Европалык бизнес Ассамблеясы, эл аралык Вена университети, эл аралык Сократ комитети жана Европалык ректорлор клубу.
ТРнын вице-примьер министри Нуман Куртулмуш менен бирге Исмаил Гаспыралды эскерүү
2014-жылдын 25-декабрында атактуу татар агартуучусу Исмаил Гаспыралынын дүйнөдөн кайтышынын 100 жылдыгына арналган “Тилде, ойдо жана аракетте биримдик: каердебиз?” аттуу илимий конференция болуп өттү. Ал конференцияга Кыргызстанга расмий иш сапары менен келген Түркия Республикасынын вице-примьер-министри Нуман Куртулмуш да катышты.
Подробнее: ТРнын вице-примьер министри Нуман Куртулмуш менен бирге Исмаил Гаспыралды эскерүү
Манас 2014-жылдын эң мыкты университети
Коомдук – маалымат аналитикалык Мекен-инфо гезитинин 2014-жылдын мыктыларын аныктоо сурамжылоосунда «Кыргыз-Түрк «Манас» университети «Жылдын мыкты университети» деп табылды.
Манас «Жылдын мыкты окуу жайы»
2014-жылдын 23-декабрында «Кыргыз Туусу» Кыргыз Республикасынын Улуттук расмий гезитинин редакциялык коллегиясынын 2014-жылдын жыйынтыгы боюнча, Европанын илимий өндүрүш палатасынын иликтөөсү боюнча дүйнөдө эң мыкты 200 жогорку окуу жайынын, Россиялык «Эксперт РА» рейтинг агенттигинин изилдөөсү боюнча КМШдагы эң мыкты университеттердин катарына киргендиги жана Кыргызстандагы коррупциясыз окуу жайы болгону үчүн Кыргыз-Түрк «Манас» университети «Жылдын мыкты окуу жайы» деп таанылды.
Кыргыз – Түрк Манас университетинде Дүйнөлүк Философия Күнү белгиленди
Дүйнөлүк Философия Күнү ЮНЕСКО тарабынан Ноябрь айынын 3-бейшембисинде майрамдалсын деген 2002 жылында демилге көтөрүлөт. Бул күндү майрамдоо менен ЮНЕСКО адамдын өнүгүшүндөгү, ар бир маданият жана ар бир инсан үчүн философиянын баалулугун даңазалайт. ЮНЕСКОнун Генералдык Директору Ирина Бокова минтип айтат: “Азыркы күндүн татаалдыгы менен кезигишүүдө, философия эң оболу адамды момундукка чакырат, акыл менен коштолгон диалогду бекемдейт, контролдон оолактанган маселелерди биргелешип чечкенге өбөлгө түзөт. Философия акылсыздык менен күрөшүүгө даяр болгон билимдүү жарандарды тарбиялоонун эң мыкты жолу деп түшүнөбүз. Кыйынчылыктар канчалык көп болгон сайын, тынч жана туруктуу өнүгүүнүн баалулугун билиш үчүн ошончолук философияга болгон муктаждык көбөйүүдө”.
Подробнее: Кыргыз – Түрк Манас университетинде Дүйнөлүк Философия Күнү белгиленди
«Лифт» тасмасынын режиссеру – «Эң мыкты режиссер»
12-15-декабрда "Манас" кинотеатрында "Кыргызстан - кыска метраждуу тасмалардын өлкөсү" аталышында эл аралык кинофестивалы болуп өттү. Анда 14 мамлекеттен келген режиссерлордун тасмалары, тагыраак айтканда Грузия, Молдова, Белорусия, Орусия, Армения, Азербайжан, Латвия, Литва, Эстония, Украина, Өзбекстан, Түркмөнстан, Казахстан, Тажикстан жана Кыргызстан катышкан сынакта Эл аралык программа боюнча 13 тасма, ал эми улуттук 10 фильм ат салышты. Кинофестивалдын алкагында фильмдер эл аралык жана улуттук категорияда каралып, 40 мүнөттөн ашпаган көркөм, даректүү, анимациялык жана эксперименталдык тасмалар көрсөтүлдү.
Подробнее: «Лифт» тасмасынын режиссеру – «Эң мыкты режиссер»
Университетибиздин жаштарына мамлекеттик сыйлык
12-декабрда К. Молдобасанов атындагы Улуттук Консерваторияда Ч. Т. Айтматов атындагы Кыргыз Республикасынын мамлекеттик жаштар сыйлыгы (2011-2012-жылдар үчүн) ыйгарылды. Сыйлык тапшыруу аземинде 6 лауреатка, 9 дипломантка сыйлыктары ыйгарылды.
Кыргыздын Чыңгызы - Адамзаттын Айтматову
2014-жылдын 12-декабрында Кыргыз-Түрк «Манас» университетинде Гуманитардык жана Коммуникация факультети жана «Ысык-Көл» форуму тарабынан уюштурулган Кыргыз эл жазуучусу, адамзат дүйнөсүнө гүлазык болор көркөм дөөлөттөрдү жараткан улуу калемгер, улуу ойчул Чыңгыз Айтматовдун туулган күнүнө арналган «Адамзаттын Айтматову» аттуу эскерүү кечеси болуп өттү.