Кабар жана жарыялар

Жаңы ректордук имаратынын ичинде көп максаттуу, жыйындар жана лекциялык залы, Окумуштуулар кеңешинин, университет башкармалыктарынын жана кызматкерлердин иш кабинеттери, тагыраак айтканда, 3014 метр квадраттык аянтты камтыган заманбап Ректордук имараты ишке берилди.

Ректорубуз Радио -TV орток эфирибиздин коногу болду

Ректорубуз профессор доктор Себахаттин Балжы, 2015 жылдын 31 март күнү Манас Радио- TV нын орток эфиринде конок болду.

Ректорубуз ар айда радиобуздун эфирине катышып, университетибизде болгон жаңылыктар менен бөлүшкөн программа бул жолу, радио жана tv , орток эфири болуп, интернет каналыбыздан түз обого чыкты.

2015-жылдын 31-мартында университетте Таджикистандын маданий күнү белгиленди. Иш чара Кыргыз-Түрк “Манас” университети жана Таджикистандын Кыргызстандагы элчилиги тарабынан биргелешип уюштурулду.

Мектеп окуучуларынын университетибиз менен таанышуусу салтка айланды, учурда Талас, Ысык-Көл, Жалал-Абад, Баткен, Ош жана борборубуз Бишкектен мектеп окуучулары Чынгыз Айтматов атындагы студенттик шаарча менен таанышышып, кирүү сынактары тууралуу маалымат алышып жатышат.

КТМУга «SECOM» окутуу борборунан Ысык-Көл, Ош, Жалал-Абад, Баткен областарынан 11-класстын окуучуларынан турган 145 окуучу келишти. Алар Чынгыз Айтматов атындагы студенттик шаарча менен таанышышып, кирүү сынактары тууралуу маалымат алышты. Окуучулар кетип жатып Кыргызстанда да Европадагыдай билим алууга мүмкүнчүлүк бар экендигине ишенишип, келечекте биздин окуу жайыбызда окууну каалашкандыктарын жашырышкан жок.
«Secom» билим берүү борбору мектептерден сырткары окуучуларга кошумча билим берүү максатында 1996-жылы ачылган. Аталган борбордун тармактары кеңейтилип учурда «Secom» билим берүү мекемеси деп аталат. Кошумча сабак алып, билим деңгээлимди жогорулатам деген жарандар үчүн жалпы республикалык тесттирлөөгө даярдоо жана англис, орус, түрк, кыргыз тилдери менен компьютердик курстан кошумча окутуу жүргүзүлөт.

Кыргыз-Түрк «Манас» университетинде «Нооруз-2015» майрамдык салтанаты 21-март күнү К.Тыныстанов атындагы жыйындар залында өзгөчө шаң менен өттү.

2015-жылдын 18-мартында Чанаккале жеңишинин 100 жылдыгына арналган эскерүү кечеси болуп өттү.

13-март күнү Улуттук илимдер академиясында кыргыз элинин залкар акыны Алыкул Осмоновдун 100 жылдык мааракеси белгиленди. Бул с алтанаттуу иш чараны Илимдер академиясынын президенти Абдыганы Эркебаев ачып жатып, кайталангыс талант Алыкул Осмоновдун кыргыздын жазма адабиятында өзгөчө орду бар экенин, анын поэзиясынын түбөлүктүүлүгүн, улуулугун белгиледи.

Түрк тилдүү мамлекеттердин Парламенттик ассамблеясы менен Кыргыз-Түрк «Манас» университети тарабынан уюштурулган «Котормонун мааниси жана максаты» аттуу семинары болуп өттү.

Темасы: “Экстремизмге каршы күрөшүү”

Лектор: Мохаммад Башар Арафат, Жамааттар ортосундагы алмашуу жана кызматташтык фондунун президенти

Организаторлор: Орто Азияны Изилдөө Борбору, АКШнын Кыргызстандагы элчилиги, Кыргыз Республикасынын Дин иштери боюнча мамлекеттик комиссиясы

Жери: Кыргыз-Түрк « Манас » университети, Жал кампусу, Социалдык курулуштар имараты Сенато салону, Бишкек, Кыргызстан

Датасы: 13 -март 2015

Сааты: 11:00

Семинар англис тилинде өтөт (орусчага синхрондуу которулат) .