Кабар жана жарыялар

Үстүбүздѳгү жылдын 25-февралында Түркия Республикасынын Кыргызстандагы элчиси Женгиз Камил Фырат КТМУнун Ден-соолук борборуна келип, борбордун иши жана анда жабдылып жаткан дарт аныктоочу лабораториялар менен таанышып чыкты.

1992-жылы Азербайжандын Тоолуу Карабах аймагындагы Хожалы шаарында адамдардын кыргынга учуратылышынын 29 жылдыгына карата Бишкекте эскерүү кечеси болуп ѳттү.

Университетибиз үчүн байланыш ачылган электрондук маалымат базаларына университеттин тышынан байланышуу үчүн  “VETİS – маалымат базаларга байланыш жана статистика системасы” колдонууга ачылды.

“VETİS” системасына бул адрестен кире аласыздар. http://yordam.manas.edu.kg/vetisbt

“VETİS” системасынын колдонмо көрсөткүчү бул адресте. http://library.manas.edu.kg/doc/7_Vetis.pdf

 

Суроолор үчүн Китепкана жана иш кагаздары башкармалыгына же Этот адрес электронной почты защищен от спам-ботов. У вас должен быть включен JavaScript для просмотра. адресине кайрылыңыздар.

2021-жылдын 3-февралында Кыргыз-Түрк «Манас» университетинин Камкорчулар кеңешинин төрагасы жана Түркия Республикасынын Президентинин Аппаратынын Коммуникация бөлүмүнүн башчысы, проф. Фахреттин Алтун Кыргыз Республикасынын Түркия Республикасындагы элчиси Кубанычбек Өмүралиевди кабыл алды.

КТМУнун ректору, профессор Алпаслан Жейлан “ТРТ-Аваз” телеканалына интервью берди.

Ректор “ТРТ-Аваз”га берген маегинде Орто Азия региону жана Кыргызстан менен болгон байланышы 25 жылдан бери уланып келе жатканы, КТМУнун кыргыз жана түрк мамилелерине кошкон салымы жана алдыдагы пландары, курулушу пландалып жаткан медициналык факультети, пандемия шартында билим берүү форматынын ѳзгѳрүшү жана КТМУнун Кыргызстандагы санариптештирүү процессине кошкон салымы тууралуу айтып берди.

27-январдан 5-февралга чейин КТМУнун 25 жылдыгынын алкагында санарип медиа боюнча онлайн режимде семинар-тренинг жүрүп жатат.

Семинар Түркия радио-телеберүү мекемеси (ТРТ) жана “Медиа Манас” борборунун кызматташтыгы менен уюштурулууда.

Кыргыз Республикасынын Эл артисти, кинорежиссёр, КТМУнун коммуникация факультетинин ага окутуучусу Артыкпай Сүйүндүков толук метраждуу «Шамбала» тасмасы үчүн Индияда өткөн эл аралык “Калькут” кинофестивалында «Мыкты режиссёр» наамын жеңип алды.

Аталган фестиваль кинопродюсерлердин ассоциациясынын акредитациясынан өткөндүктөн, дүйнөдөгү абройлуу кинофестивалдардын катарында турат.

Пандемияга байланыштуу фестиваль 8-15-январь аралыгында онлайн форматта өттү.

Эске салсак,  «Шамбала» тасмасы Ч.Айтматовдун «Ак кеме» повестинин негизинде экрандаштырылган.

 

Медиа Манас

 

 

Кыргыз-Түрк “Манас” университетинде "Аккредитациянын аудитордук отчетун даярдоонун жол-жоболору жана процедуралары" деген темада семинар болуп өттү.

КТМУнун жетекчилиги Кыргыз Республикасынын Саламаттыкты сактоо министрлигине дары-дармек түрүндѳ жардам берди.

Ректораттын көрсөтмөсү менен берилген дары-дармектер үстүбүздѳгү жылдын 26-январында Кыргыз Республикасынын Саламаттыкты сактоо министрлигинин Дары-дармектер менен камсыздоо департаментине жеткирилди.

Кыргыз-Түрк “Манас” университетинин ректору, профессор Алпаслан Жейлан үстүбүздѳгү жылдын 18-январынан баштап, университеттин академиялык бѳлүмдѳрүнүн ѳкүлдѳрү менен жолугушуп, окуу жайдагы натыйжалуулукту дагы жакшыртуу боюнча ой-пикир алышып, сунуштарын угуп жатат.