Кабар жана жарыялар

Кыргыз-Түрк “Манас” университетинин тѳрагалыгында Селчук университети, Фырат университети, Караманоглу Мехметбей университети жана Ататүрк университети менен түзүлгѳн кызматташтыктын алкагында онлайн форматта “II Эл аралык Экономика жана башкаруу илимдери конгресси” өтүүдѳ. Конгресстин иши 9-11-июнга чейин уланат.

Үстүбүздѳгү жылдын 7-июнунда Кыргыз-Түрк “Манас” университети жана Ош мамлекеттик университетинин ортосунда билим берүү, илим жана академиялык мобилдүүлүк тармагында ѳз ара кызматташуу боюнча келишими түзүлдү.


Келишимге КТМУнун ректору, профессор Алпаслан Жейлан, биринчи проректор, профессор Асылбек Кулмырзаев жана ОшМУнун ректору, профессор Кудайберди Кожобеков кол коюшту.

Жыйынга  КТМУнун жетекчилери, факультет декандары жана ОшМУнун ректору баштаган делегация мүчѳлѳрү катышып, эки тараптуу кызматташуунун маанилүү багыттарын талкуулашты.

Делегация Кыргыз-Түрк “Манас” университетинин Ден соолук борбору жана окуу жайдын китепканасын, студенттик үйүн, Сүрѳт галереясы жана “Медиа Манас” борборун кѳрүп, ветеринардык, айыл-чарба, инженердик жана табигый илимдер факультетиндеги лабораториялар жана Туризм жана мейманкана иштетүү жогорку мектебиндеги билим берүүгѳ түзүлгѳн шарттар менен таанышты.

Ошондой эле ректор Кудайберди Кожобеков “Манас Фм” радиосунун коногу болуп, угармандарга КТМУ менен ОшМУнун ортосундагы кызматташуу пландары тууралуу айтып берди.

Келишимдин максаты – эки университеттин окутуучуларын, изденүүчүлөрүн, изилдөөчүлөрүн, студенттерди, магистранттарды жана аспиранттарды алмашуу боюнча иш жүргүзүү, илимий байланыштарды чыңдоо, орток илимий изилдөөлѳрдү жүргүзүү, илимий жана маданий (илимий-практикалык конференция, симпозиум, тегерек стол, семинар, студенттик олимпиадалар ж.б.у.с.) иш-чараларды уюштуруу, усулдук жана башка жардамдарды кѳрсѳтүү. Ошондой эле тараптар эл аралык байланыштар жана кызматташуу мүмкүнчүлүктөрү жөнүндө бири-бирин маалымдашат жана бул мүмкүнчүлүктөрдөн пайдаланууда бири-бирине көмөк көрсөтүшөт.

Медиа Манас

 

 

 

Кыргыз-Түрк “Манас” университети ыраазычылык каты менен сыйланды.

Ыраазычылык каты Кыргыз Республикасынын Тышкы иштер министрлиги тарабынан COVID-19 илдетине каршы күрѳшүүдѳ кѳрсѳткѳн жардамы жана жемиштүү кызматташтыгы үчүн берилди.

Факультети Бөлүмү/Программасы Кызматы Саны Талаптар
Экономика жана башкаруу факультети Финансы жана банк иши профессор 1 Университеттин тийиштүү нускамасынын талаптарына жооп берүү;
"Экономика" багыты боюнча илимий даражага ээ болуу;                                                                      Мамлекеттик карыз жана мамлекеттик каржы боюнча илимий эмгектери болушу керек.
Туризм жана мейманкана иштетүү жогорку мектеби Туризм жана мейманкана иши доц.м.а. 1 Университеттин тийиштүү нускамасынын талаптарына жооп берүү;
Кыргызстандын туризми жана мейманкана иштетүү тармагы боюнча илимий эмгектери болушу керек;
"Туризм жана мейманкана иштетүү" багытында бакалавр жана магистратура программаларынын сабактарын окутуу боюнча тажрыйбасы болушу шарт.
Арыздар кулактандыруу чыккан күндөн тарта 15 (он беш) күндүн ичинде (04-18 июнь, 2021) КТМУнун кадрлар башкармалыгында кабыл алынат. Электрондук дарек же почта аркылуу жиберилген арыздар белгиленген мөөнөттөн кечигип келген учурда кадрлар башкармалыгы жооптуу болбойт. Арыздарды кабыл алуу учурунда Кыргызстандын жергиликтүү иш убактысы эске алынат. Конкурстун жыйынтыгын кадрлар башкармалыгынан сурап билсеңиз болот.
Талап кылынган документтер:
Профессор окутуучу кызмат орду үчүн: Арыз, өмүр баян, жогорку билимин жана илимий даражасын  тастыктаган дипломдор (нотариус тарабынан тастыкталган), жарыяланган макалалардын тизмеси, паспорттун көчүрмөсү, 1 даана сүрөт (3Х4), соттолбогондугу тууралуу маалымкат.
Дареги: Кыргыз-Түрк «Манас» университети, Жал кичи району 30/42, кадрлар башкармалыгы (112-каб.)
Электрондук дарек :  Этот адрес электронной почты защищен от спам-ботов. У вас должен быть включен JavaScript для просмотра.
Байланыш телефондору: 00996 (0312) 49 27 81-82 факс: 0096 (312) 54 39 35
Эскертүү: Талапкерлердин документтери "Кыргыз-Түрк «Манас» университетинин доценттин милдетин аткаруучу, доцент, профессор наамын берүү жана аларды дайындоо боюнча нускамасынын" (http://manas.edu.kg/index.php/tr/ktmu-emevzuat)  негизинде каралат. Талапкердин жараны болгон өлкөнүн мамлекеттик же расмий тили/тилдери чет тили катары эсептелбейт.

 

Чет тилдер жогорку мектебинин окутуучусу Анара Алчинбековна Байызбекованын атасы дүйнөдөн мезгилсиз кайтты. Анара Алчинбековнага, үй-бүлөсү жана жакындарына тереӊ кайгыруу менен көӊүл айтып, аза кайгысын теӊ бөлүшөбүз.

Маркумдун жаткан жери жайлуу, топурагы торко болсун.

ЧЕТ ТИЛДЕР ЖОГОРКУ МЕКТЕБИ

2021-жылдын 2-июнунда Кыргыз Республикасынын Маданият, маалымат, спорт жана жаштар министри Кайрат Иманалиев Кыргыз-Түрк “Манас” университетине келип, окуу жайдын жетекчилери менен жолугушту.

КТМУ коомдук иштерге колдоо кѳрсѳтүүнү улантууда.

Кыргыз-Түрк "Манас" университети Бишкектеги Алтын Бешик конушунда балдар үчүн оюн аянтчасынын курулушуна материалдык жардам көрсөттү.

Кыргыз-Түрк “Манас” университетинин Чет тилдер жогорку мектебинин мүдүрү кызматына док. Режеп Йүрүмез дайындалды.

Жыйында университеттин ректору, профессор Алпаслан Жейлан жана биринчи проректор, профессор Асылбек Кулмырзаев док. Режеп Йүрүмезге ректораттын 2021-жылдын 27-майынан баштап мүдүр кызматына дайындалгандыгы тууралуу күбѳлүгүн тапшырды.

Медиа Манас

 

Үстүбүздѳгү жылдын 27-майында Кыргыз-Түрк “Манас” университети Кыргызстандын китепканалар күнүнѳ карата К.Баялинов атындагы Республикалык балдар жана жаштар китепканасына 250 китеп белек кылды.