2024-05-06
Кыргызстан боюнча окуу-практикалык саякат III ийгиликтүү аяктады (Нарын жана Ысык-Көл облустары, 29-апрель - 03-май, 2024)
"Саякат иши жана гид кызматы" бөлүмүнүн окуу программасында орун алган "Кыргызстан боюнча окуу туру-III" курсунун алкагында, доц., э.и.к. Бакыт Турдумамбетовдун жетекчилигинде өткөрүлгөн Нарын – Ысык-Көл облустары боюнча практикалык окуу саякаты ийгиликтүү аяктады. Бөлүмүбүздүн 3-4-курсунун студенттери катышкан саякат мурда пландаштырылгандай Бишкек - Бурана - Боом - Кувакы - Чоң-Туз - Долон - Нарын - Таш-Рабат - Кошой-Коргон - Ат-Башы - Нарын - Таш-Башат - Бугу-Марал (Нарын мамлекеттик коругу) - Кочкор - Орто-Токой - Ысык-Көл - Бөкөнбаев - Сказка - Барскоон - Жети-Өгүз - Каракол - Кырчын жайлоосу - Чоң-Ак-Суу капчыгайы - Чолпон-Ата - Рух-Ордо - Кемин - Бишкек маршруту боюнча жүргүзүлүп, анын боюндагы тарыхый-маданий, диний жана жаратылышка байланыштуу туристтик объектилер менен жеринен таанышуу менен биргеликте, чакан талаа изилдөөлөрү менен коштолду.
