Факультетибиздин Окумуштуулар Кеңешинин жыйыны өттү
Факультетибиздин Окумуштуулар Кеңешинин жыйыны 2026-жылдын 13-мартында өткөрүлдү. Жыйынга ректорубуз проф. докт. Алпаслан Жейлан, башкы катчыбыз доц. м.а. докт. Фатих Рамазан Истанбуллугил жана ректордун кеңешчиси доц. м.а. докт. Мурат Авчы катышты. Жыйынга декандын м.а. проф. докт. Джипаркул Абдирахманова жана факультетибиздин бардык академиялык кызматкерлери да катышты.
Жыйындын жүрүшүндө декандын милдетин аткаруучу 2025-жылдын жыйынтыктары боюнча кеңири презентация жасап, студенттердин жана окутуучулардын бөлүштүрүлүшү, алмашуу программалары, илимий басылмалардын статистикасы жана коомго кызмат көрсөтүү багытында факультетте жүргүзүлгөн иш-чаралар тууралуу маалымат берди.
Ошондой эле презентацияда факультеттин учурдагы академиялык ишмердүүлүгү жана келечектеги пландары тууралуу маалымат берилип, академиялык потенциалды жогорулатуу жана билим берүү менен илимий изилдөөлөрдү натыйжалуу жүргүзүү боюнча талкуулар жүргүзүлдү.
Жыйындын жыйынтыктоочу бөлүгүндө ректорубуз проф. докт. Алпаслан Жейлан сөз сүйлөп, университеттин илимий потенциалын жогорулатуу, эл аралык академиялык көрүнүктүүлүгүн күчөтүү жана сапаттуу билим берүү системасын туруктуу өнүктүрүүнүн маанилүүлүгүн белгиледи.
