2026-04-22
Физиологиялык механизмдер боюнча семинар өткөрүлдү
Факультетибиздин ага окутуучусу, доктор Тахмира Сабралиева тарабынан «Күрөш машыгууларынын спортчунун организмине тийгизген таасири жана физиологиялык механизмдери» темасында семинар өткөрүлдү.
Семинар 2026-жылдын 14-апрелинде саат 15:00дө факультетибиздин 16-конференция залында болуп өттү. Иш-чаранын жүрүшүндө күрөш менен машыккан спортчулардын организмине тийгизген таасири жана физиологиялык механизмдердин өзгөчөлүктөрү каралды.
Ошондой эле семинарда машыгуулардын спортчулардын чыдамкайлыгы, иш жөндөмдүүлүгү жана жалпы ден соолугуна тийгизген таасири талкууланды.