2024-жылдын 10-октябрында Айыл чарба факультетинин Бакча жана Талаа өсүмдүктөрү бөлүмүнүн башчысы доцент, доктор Эрен Өзден жана декандын орун басары жардамчы доцент, доктор Таир Эсенали уулу даярдоо курсунун студенттери менен таанышуу жана факультетти тааныштыруу максатында жолугушуу өткөрүштү. Бул иш-чара жаңы студенттердин факультетке ыңгайлашуу процесстерин колдоо жана аларга факультет сунуштаган мүмкүнчүлүктөр тууралуу маалымат берүү максатында уюштурулган. Жолугушуу доцент, доктор Эрен Өздендин ачылыш сөзү менен башталды. Ал студенттерге факультеттин тарыхы, миссиясы жана келечек көрүүсү тууралуу маалымат берип, Бакча жана Талаа өсүмдүктөрү бөлүмүндө жүргүзүлүп жаткан иштер жана изилдөөлөр жөнүндө кеңири түшүндүрмө берди. Ошондой эле, бөлүмдүн академиялык жана практикалык тармактардагы мүмкүнчүлүктөрүн баса белгилеп, студенттерди бул мүмкүнчүлүктөрдөн максималдуу пайдаланууга үндөдү. Декандын орун басары, жардамчы доцент доктор Таир Эсенали уулу факультеттин жалпы түзүлүшү, улуттук жана эл аралык кызматташтык долбоорлору, студенттерге арналган колдоо программалары тууралуу маалымат берди. Ал билим берүү процессиндеги багыт берүү кызматтарынан тарта практика өтүү мүмкүнчүлүктөрүнө чейин кеңири маалымат берип, факультет студенттерди илимий жана практикалык көндүмдөр менен камсыздоону максат кылганын белгиледи. Бул иш-чара даярдоо курсунун студенттери үчүн чоң мотивация булагы болуп, алардын факультетке болгон таандыктык сезимин күчөттү. Иш-чарага катышкан бардык студенттерге ыраазычылык билдирип, окуу жашоосунда ийгиликтерди каалайбыз.