Экономика жана башкаруу факультетинде "Климаттын өзгөрүшү жана таасирлери" семинары өткөрүлдү
2024-жылдын 1-ноябрында, Экономика жана башкаруу факультетинин имаратында, Касым Тыныстанов конференция залында " Климаттын өзгөрүшү жана таасирлери" темасында семинар өткөрүлдү. Семинардын баяндамасын, факультетибиздин Баӊке жана талаа өсүмдүктөрү бөлүмүнүн бөлүм башчысы, доцент Др. Эрен Өзден жасады. Ал катышуучуларга климатын өзгөрүшүнүн айыл чарбасына тийгизген таасирлери тууралуу кеңири маалымат берди. Доцент Др. Эрен ӨЗДЕН өз баяндамасында, климаттын өзгөрүшүнүн дүйнөлүк айыл чарба секторуна тийгизген таасирлери тууралуу илимий маалыматтарды жана байкоолорду бөлүштү. Ал айыл чарба өндүрүмдүүлүгүнүн келечектеги кыйынчылыктарына көңүл буруп, климаттын өзгөрүшүнүн экосистемаларга, суу ресурстарына жана айыл чарба өндүрүмдүүлүгүнө болгон терс таасирлерин белгиледи. Ошондой эле, айыл чарба тармагында адаптациялык стратегияларды иштеп чыгуу жана туруктуу айыл чарба практикасынын маанилүүлүгүн айткан. Семинарда, климаттын өзгөрүшү себебинен температуранын көтөрүлүшү, жаан-чачындын өзгөрүүсү жана кургакчылык сыяктуу көрүнүштөрдүн айыл чарба өндүрүмдүүлүгүнө кандай таасир эткени талкууланды.
Климаттын өзгөрүшүнүн айыл чарба секторуна тийгизген таасирлерине көңүл бурган бул семинар академиялык чөйрө жана айыл чарба тармагы менен байланышкан кызыкдар тараптар үчүн өтө маанилүү болду. Семинарга катышкан бардык студенттерге, окутуучуларга жана семинарга кызыгып келген бардык адамдарга ыраазычылык билдиребиз. Мындай семинарлар климаттын өзгөрүшү сыяктуу глобалдык маселелер боюнча көбүрөөк маалымдуулукка жетүүгө жардам берет деп ишенебиз
