2024-12-30
Журналистика бөлүмүнүн студенти ыр сынагында биринчи орунду ээледи
Кыргыз-Түрк “Манас” университетинин журналистика бөлүмүнүн студенти Марлен Корошов Мелис Эшимканов атындагы коомдук фонд уюштурган ыр сынагында биринчи орунду алды.
Конкурстун сыйлоо аземи К.Карасаев атындагы Бишкек мамлекеттик университетинде өтүп, Кыргыз басма сөзүнүн 100 жылдыгына ,Радио жана телевидение кызматкерлеринин күнүнө арналган «Мелис Эшимкановдун журналистиканын өнүгүшүндөгү орду жана ролу» аттуу илимий-практикалык конференциянын алкагында уюштурулган.
Марлен Корошов бул жеңиш анын күтүүсүз кубанычы болгонун белгилеп, сынак анын чыгармачылыгына чоң дем-күч берип, студенттерге стимул болорун айтты.
Белгилей кетсек, бул конкурс жыл сайын студенттер арасында таланттарды ачуу жана колдоо максатында өткөрүлүп келет.
