2025-02-25
Журналистика бөлүмүнүн студенттери “Жаш медиа өкүлдөрү” кароо-сынагынан ийгиликтүү кайтышты
“Айдын Доган” фонду жана Түркия журналисттер коому тарабынан үстүбүздөгү жылы 34-жолу уюштурулган “Жаш медиа өкүлдөрү” кароо-сынагында жеңүүчүлөр аныкталды. Аталган кароо-сынакка Кыргыз-Түрк “Манас” университетинин (КТМУ) Коммуникация факультетинин журналистика бөлүмүнүн студенттери ийгиликтүү катышып, мелдештен 2 сыйлык менен кайтышты.
Фотография категориясында чоң жетишкендик
Журналистика бөлүмүнүн студенттери фотография категориясында I жана III орундарды ээлешти. Фотография категориясында академиялык адис Фахри Тархан жетектеген журналистика бөлүмүнүн 4-курсунун студенти Раяана Мамедованын долбоору биринчи орунду жеңип алды. Ошол эле категорияда журналистика бөлүмүнүн 4-курсунун студенти Жибек Абдукайимованын долбоору үчүнчү орунга ээ болду.
Сыйлык тапшыруу аземинде медиа чөйрөсүнүн кадырлуу өкүлдөрү дагы бар
Сыйлык тапшыруу аземи 2025-жылдын 20-февралында Хилтон Стамбул Босфорс (Hilton Istanbul Bosphorus) комплексинде болуп өттү. Иш-чарага медиа жана коммуникация дүйнөсүнүн көрүнүктүү өкүлдөрү менен катар, КТМУ атынан коммуникация факультетинин деканы доцент, доктор Угур Үнал жана студенттердин долбоор жетекчиси Фахри Тархан катышты.
Бул жылы сынакка 60 университеттин коммуникация факультеттеринин студенттери медиатект, визуалдык, аудио жана интернет басылмаларын даярдоо сыяктуу көптөгөн тармактар боюнча миңден ашуун долбоорлору менен катышты. Сынакта 14 номинация боюнча сыйлыктар берилди.
Зеки ОКЯЙ
