2026-05-20
Доц. д-р Гүлзада Станалиева улуттук жана эл аралык деңгээлде сый-урматка ээ болду
Бөлүмүбүздүн окутуучусу, доцент доктор Гүлзада Станалиева илимий ишмердүүлүгү жана түрк дүйнөсүнүн маданий мурасын сактоо менен өнүктүрүүгө кошкон салымы аркылуу маанилүү ийгиликтерди жаратып келет.
Доцент доктор Гүлзада Станалиева 2024-жылы Кыргыз Республикасынын Жогорку Кеңеши тарабынан «Ардак грамота» менен сыйланып, ошондой эле «Кыргыз Республикасынын Жогорку Кеңешине – 85 жыл» юбилейлик төш белгисине татыктуу болгон. Анын илимий жана маданий тармактардагы үзүрлүү эмгегинин натыйжасында 2025-жылы Кыргыз Республикасынын Мамлекеттик тил жана тил саясаты боюнча улуттук комиссиясы тарабынан «Кыргыз тили» төш белгиси менен сыйланган.
Ошол эле жылы түрк дүйнөсүнүн орток маданий баалуулуктарын сактоого жана жайылтууга кошкон олуттуу салымы үчүн ТҮРКСОЙ Эл аралык Түрк маданияты уюму тарабынан медаль менен сыйланган.
Окутуучубуз доцент доктор Гүлзада Станалиеваны бул маанилүү жетишкендиктери жана сыйлыктары менен чын жүрөктөн куттуктап, анын илимий ишмердүүлүгүндө, кыргыз тили менен маданиятын өнүктүрүүгө багытталган иштеринде жана түрк дүйнөсүнө кошуп жаткан баалуу салымдарында мындан аркы ийгиликтерди каалайбыз.
