2026-06-09
Ахылык жана коомчулук менен байланыш
Кыргызстан–Түркия Манас Университетинин Коммуникация факультетинин Коомчулук менен байланыш жана жарнама бөлүмүнүн 4-курс студенттерине арналган «Ахылык жана коомчулук менен байланыш» аттуу семинар өткөрүлдү.
Семинарды Коомчулук менен байланыш жана жарнама бөлүмүнүн башчысы Абдулхаким Бахадыр Дары өткөрүп, анда Ахылык институтунун тарыхый өнүгүүсү, негизги баалуулуктары жана анын бүгүнкү күндөгү коомчулук менен байланыш практикалары менен болгон байланышы талкууланды. Ахылыктын чынчылдык, ишенимдүүлүк, коомдук жоопкерчилик, кесиптик этика жана кызыкдар тараптар менен болгон мамилелер сыяктуу принциптеринин заманбап коомчулук менен байланыш түшүнүгү менен окшоштуктарына өзгөчө көңүл бурулду.
Ошондой эле семинарда Ахылык маданиятынын корпоративдик абройду башкаруу, этикалык коммуникация жана коом менен туруктуу байланыштарды түзүү жаатындагы салымдары мисалдар аркылуу талдоого алынды. Студенттер түрк элинин салттуу маданиятындагы маанилүү институттардын бири болгон Ахылыктын заманбап коммуникация жана коомчулук менен байланыш тармагындагы чагылууларын үйрөнүүгө мүмкүнчүлүк алышты.
