2021-09-19
Радио, ТВ жана кино бөлүмүнүн бүтүрүүчүлөрүн "Кыргызстан - кыскаметраждуу тасмалар өлкөсү" эл аралык кино фестивалында 4 сыйлыкка ээ болушту
2021-жылдын 14-17 сентябрында Бишкекте "Кыргызстан - кыскаметраждуу тасмалар өлкөсү" эл аралык кино фестивалы өттү. Аталган фестиваль 2010-жылдан бери жыл сайын уюштуруп келет.
Фестивалдын ишинин жыйынтыгында Кыргыз-Түрк "Манас" университетинин Коммуникация факультетинин Радио, ТВ жана кино бөлүмүнүн студенттери бир катар сыйлыкка ээ болушту.
Нурзада Уланбек кызынын "Кызбала" аттуу тасмасы "Улуттук конкурс" категориясында Көрүүчүлөрдүн тандоосу сыйлыгына;
Алтынкыз Шаршенкулованын "Үй" аттуу даректүү тасмасы "Улуттук конкурс" категориясында жюринин атайын сыйлыгына;
Гүлнара Айтмаматова "Тайгак жол" аттуу даректүү тасмасы "Улуттук конкурс" категориясында "Эң мыкты режиссура" сыйлыгына;
Айкөл Нурланбек уулу "Мээрман" аттуу даректүү тасмасы менен "Эл аралык конкурс" категориясында Көрүүчүлөрдүн тандоосу сыйлыгына татыды.
Бүтүрүүчүлөрүбүздү дагы бир жолу куттуктайбыз! Сыймыктанабыз жана мындан аркы чыгармачылык жолунда ийгилик каалайбыз.
