«БҮТҮРҮҮ ИШТЕРИНИН КӨРГӨЗМӨСҮ»
Инженердик факультеттин бардык бөлүмдүрүнүн бүтүрүүчү курстары арасында бүтүрүү иштеринин жарышмасы жарыяланат.
Жарышмага инженердик факультеттин баардык бүтүрүүчүлөрү катышышат.
Конкурстун эрежелери:
- Дипломдук иши боюнча тиркемедеги шаблонго ылайыктуу А2 форматта түстүү постер даярдоо;
- Постерди 2022-жылдын 27-июнь күнү инженердик факультеттин биринчи кабатындагы стенддерге илүү;
- 1-июль күнү саат 10:00-12:00 арасында даярдалган постерди комиссиянын алдында жактоо.
Ар бир катышуучуга сертификат жана белек берилет, ал эми жеңүүчүлөргө аты-жөнү жазылган жана Кыргыз-Түрк «Манас» университетинин логотиби басылган, жекелештирилген белектер берилет.
Жеңүүчүлөр факультеттин атайын баалоо комиссиясы тарабынан аныкталат.
Куттуктоо жана белектерди тапшыруу аземи 1-июль күнү саат 10:00-12:00 арасында инженердик факультеттин биринчи кабатында өткөрүлөт.
Эскертүү: Куттуктоо аземине ар бир тармактын алдыңкы өндүрүшчүлөрү чакырылгандыктан, ар бир бүтүрүүчүгө резюмесин кошо даярдап келүүсү сунушталат. Ошондой эле бардык бүтүрүүчүлөрүбүздүн ата-энелери, жакындары жана достору куттуктоо аземине катышса болот.
Кошумча жана толук маалымат үчүн дипломдук иштин жетекчилерине кайрылса болот. Студенттердин постерлерин басып чыгарууга инженердик факультет тарабынан жарым-жартылай колдоо көрсөтүлөт.
