Дүйнөгө белгилүү сүрөтчү Hikmet Barutçugil тарабынан эбру боюнча воркшоп өткөрүлдү
Көркөм өнөр факультети тарабынан уюштурулган «Эбру искусствосу» аттуу воркшоп студенттердин катышуусунда өткөрүлдү.
Эбру искусствосунун дүйнөгө таанымал көрүнүктүү өкүлдөрүнүн бири болгон Hikmet Barutçugil жетектеген иш-чара 2026-жылдын 2-апрелинде Көркөм өнөр факультетинин курамындагы Проф. доктор Мехмет Башбуг атындагы сүрөт өнөрү устаканасында өткөрүлдү.
Воркшоптун алкагында катышуучулар салттуу түрк искусствосунун маанилүү түрлөрүнүн бири болгон эбру искусствосунун тарыхый өнүгүшү, техникалык өзгөчөлүктөрү жана колдонуу ыкмалары тууралуу маалымат алышты. Чебер сүрөтчү Hikmet Barutçugil эбру искусствосунун кылдат сырларын практикалык түрдө көрсөтүп, катышуучулар менен түз байланыш түздү.
Иш-чаранын жүрүшүндө студенттер суунун бетинде түстөрдүн кооз айкалышын көрүп, өздөрүнүн эбру иштерин жаратуу мүмкүнчүлүгүнө ээ болушту. Бул жагынан алганда воркшоп теория менен практиканын айкалышкан натыйжалуу чыгармачыл чөйрөсүн түздү.
Салттуу искусствону сактоо жана кийинки муундарга өткөрүп берүүдө чоң мааниге ээ болгон бул иш-чара катышуучулар тарабынан чоң кызыгуу жана жогору баа менен кабыл алынды.
