2025-03-27
“Үмүт-Надежда” балдар реабилитациялык борборуна зиярат
Үстүбүздөгү жылдын 25-март күнү Кыргыз-Түрк “Манас” университетинин көркөм өнөр факультетинин театралдык искусство бөлүмүнүн бөлүм башчысы Гүлмира Тыналиева,кенже кызматкер Айбек Сабирмамат уулу жана студенттер Бишкек шаарында жайгашкан “Үмүт-Надежда” балдар реабилитациялык борборуна барышты.
Реабилитациялык борбордогу балдар менен болгон жолугушууда театралдык искусство бөлүмүнүн студенттери тарабынан чакан белектер тапшырылып, балдарга арналган “Дүрбөлөң” аттуу жаныбарлар дүйнөсүн чагылдырган кызыктуу жомок тартууланды. Аталган борбордун мугалими Перизат Сатыбалдиева көркөм өнөр факультетинин жалпы жамаатына ыраазычылык билдирип, сөзүн мындай деп улантты: “Канчалаган жаштарга билим берүү менен “Манас” университети Кыргызстанга зор салым кошуп жатканына абдан кубанычтабыз,балдарыбыз ар дайым сиздерди күтүшөт, азыр балдарыбыз абдан бактылуу болуп жан дүйнөлөрү эргип калышты. ” деп ыраазычылык баракчасын тапшырышты.
.jpeg)