2026-04-03
Айлана-чөйрөнү тазалоо боюнча социалдык жоопкерчилик иш-чарасы өткөрүлдү
Кесиптик колледждин менеджмент программасынын окутуучулары жана студенттери тарабынан 2026-жылдын 30-мартында айлана-чөйрөнү тазалоо багытында социалдык жоопкерчилик иш-чарасы өткөрүлдү.
Иш-чаранын алкагында катышуучулар экологиялык аң-сезимди жогорулатуу жана таза жашоо чөйрөсүн түзүүгө салым кошуу максатында белгиленген аймакта тазалоо иштерин жүргүзүштү. Студенттер жаратылышка болгон жоопкерчиликти практика жүзүндө сезип, анын маанисин терең түшүнүүгө мүмкүнчүлүк алышты.
Мындай иш-чаралар студенттердин академиялык билимдери менен катар коомдук жоопкерчилик жана экологиялык маданиятын калыптандырууда маанилүү роль ойнойт. Тазалоо иш-чарасынын жүрүшүндө катышуучулар туруктуу өнүгүү жана айлана-чөйрөнү коргоо маселелеринин актуалдуулугун дагы бир ирет аңдашты.
Иш-чара студенттердин активдүү катышуусу жана биргелешкен аракеттери менен ийгиликтүү жыйынтыкталды.
