2026-04-24
БУХГАЛТЕРИЯ ЖУМАЛЫГЫНЫН АЛКАГЫНДА СТОЛ ТЕННИСИ ӨТКӨРҮЛДҮ
КТМУ Кесиптик колледжинин окутуучусу Насикат Алиева тарабынан уюштурулган “Бухгалтерия жумалыгынын” алкагында 13-апрель күнү студенттер жана окутуучулар арасында стол тенниси боюнча мелдеш өткөрүлдү.
Мелдеш жогорку деңгээлде уюштурулуп, катышуучулар өздөрүнүн шамдагайлыгын, тактыгын жана спорттук духун көрсөтө алышты. Оюн кызыктуу жана атаандаштыкка бай өттү.
Жыйынтыгы боюнча жеңүүчүлөр:
- 1-орун — Абдырасулов Алмаз (кызматкер)
- 2-орун — Шернияз Курманбеков (студент)
- 3-орун — Серхат Атмажа (окутуучу)
Бул иш-чара студенттер менен окутуучулардын ортосундагы достук мамилени бекемдеп, сергек жашоого болгон кызыгууну арттырууга салым кошту.
Мындай иш-чаралар колледжде билим берүү менен катар маданий жана спорттук өнүгүүгө да өзгөчө көңүл бурулуп жаткандыгын көрсөтөт.
