Маркетинг программасынын студенттери Эбру өнөрү менен таанышты
2026-жылдын 31-мартында Кыргызстандын Улуттук көркөм сүрөт галереясы тарабынан уюштурулган маанилүү иш-чара болуп өттү. Иш-чара Ebristan Vakfı тарабынан өткөрүлүп, ага UNESCO Yaşayan İnsan Hazinesi наамынын ээси, белгилүү эбру чебери Хикмет Барутчугил катышты.
Программага КТМУ Кесиптик колледжинин Маркетинг программасынын окутуучусу PhD Убейдуллах Шенер жана анын студенттери катышып, өзгөчө чыгармачылык менен таанышышты. Студенттер салттуу эбру өнөрүнүн сырларын устаттан угуп, аны практикалык түрдө өздөрү жасап көрүү мүмкүнчүлүгүнө ээ болушту. Суунун үстүндө боёктордун керемет кыймылы катышуучуларга маданий байлык тартуулап, окуу процессиндеги чарчоодон арылууга шарт түздү.
Бул иш-чара эбру өнөрүн эл аралык деңгээлде таанытууга салым кошуу менен бирге, жаштарга искусствонун дарылоочу жана эс алдыруучу күчүн дагы бир ирет эске салды. Мындай жолугушуу студенттердин академиялык өнүгүүсү менен катар, алардын маданий жана руханий жактан байышына өбөлгө түздү.
