2026-04-03
КТМУнун Кесиптик колледжинде аккредитациялоо процесси ийгиликтүү аяктады
Кыргыз-Түрк «Манас» университетинин Кесиптик колледжинде жүргүзүлүп жаткан институционалдык жана билим берүү программаларын көз карандысыз аккредитациялоонун алкагындагы алдын ала баалоо этабы ийгиликтүү аяктады.
Эки күндүк текшерүүнүн жүрүшүндө эксперттик комиссия тарабынан академиялык программалар, сапатты камсыздоо системасы жана институционалдык ишмердүүлүк ар тараптуу талдоого алынды. Текшерүүнүн жыйынтыгында төмөнкү программалар аккредитациялоодон ийгиликтүү өттү:
- «Жыгач иштетүүнүн технологиясы жана эмерек дизайны»;
- «Компьютердик системаларда конструкциялоо жана программалоо».
Бул жетишкендик Кесиптик колледждин билим берүү сапатынын жогору экендигин жана эл аралык стандарттарга жооп берерин дагы бир жолу тастыктады.