2024-11-14
“Кош келдиң 1-курс” иш-чарасы өткөрүлдү.
2024-жылдын 14-ноябрында гуманитардык факультеттин тарых бөлүмүнүн 2-курстарынын студенттери тарабынан “Кош келдиң 1-курс!” аттуу салттуу иш-чара өткөрүлдү. Бул иш-чараны тарых бөлүмүнүн башчысы профессор др. Жээнбек Алымбаев, куттуктоо сөзү менен ачып берди. Проф. др. Анварбек Мокеев баш болгон бөлүмдүн агай-эжейлери 1-курстарга каалоо-тилек жана акыл-насааттарын айтышты. Ошондой эле тарых бөлүмүнүн мүмкүнчүлүктөрү тууралуу видеолор көрсөтүлүп, келечектеги тарыхчыларга мыкты мотивация берилди. Иш-чара 1-курстун студенттери үчүн атайын интеллектуалдык оюндар, ыр-бийлер менен коштолду. Программанын аягында 1 курстагы студенттерге белектер ыйгарылды.
