2026-04-22
«Үнсүз кризис: студенттерде жалгыздык» темасындагы семинар өткөрүлдү
2026-жылдын 16-апрелинде Педагогика бөлүмүнүн башчысы профессор, доктор Йүжел Өксүз тарабынан «Тынч кризис: университет студенттериндеги жалгыздык» темасында семинар өткөрүлдү.
Семинарда университет студенттеринин арасында барган сайын көбүрөөк байкала баштаган жалгыздык маселеси каралды. Профессор, доктор Йүжел Өксүз жалгыздыкты бир гана жеке тажрыйба катары эмес, социалдык чөйрө, академиялык жашоо жана санарип адаттар менен тыгыз байланышкан көп кырдуу процесс катары кароо зарыл экенин белгиледи.
Баяндамада айрыкча социалдык тармактарды колдонуунун көбөйүшү менен бетме-бет байланыштын азайышы студенттерде жалгыздык сезимин күчөтүшү мүмкүн экени айтылды. Мындан тышкары, жаңы чөйрөгө ыңгайлашуу, академиялык талаптар жана социалдык колдоонун жетишсиздиги сыяктуу факторлор да бул абалга таасир этери белгиленди.
Өксүз жалгыздык узак мөөнөттө студенттердин окууга болгон мотивациясына, психологиялык абалына жана жалпы жашоо канааттануусуна терс таасирин тийгизиши мүмкүн экенине көңүл бурду. Бул алкакта студенттердин социалдык байланыштарын чыңдоо, университет ичиндеги иш-чараларга активдүү катышуу жана зарыл учурда психологиялык жардам алуу маанилүү экени белгиленди.
Семинарда ошондой эле университет чөйрөсүндө тиешелүүлүк сезимин (айкындык/таандыктык) калыптандыруу боюнча сунуштар берилди. Иш-чара катышуучулардын суроолоруна жооп берүү менен жыйынтыкталды.
