2024-10-14
"Кош келдиӊ, I-курс!" аттуу программа болуп өттү.
Түркология бөлүмү тарабынан 2024-жылдын 11-октябрында саат 16:30да К.Тыныстанов жыйындар залында салттуу иш-чарага айланган "Кош келдиӊ, I-курс!" аттуу программа болуп өттү. Биринчи курстун студенттерин Бөлүмдүн окутуучулук жамааты менен, башка курстардын студенттери менен тааныштыруу максатында жыл сайын уюштурулган бул иш-чаранын кезектегисине Түркология бөлүмүнүн бардык окутуучулук жамааты, 1, 2, 3, 4-курстун жана да даярдоо курсунун студенттери катышышты. Иш-чаранын жүрүшүндө ар бир курстун студенттери өздөрүн таанытуу менен бирге өздөрү даярдаган чакан концерттик программаларын көрсөтүштү. Программанын акырында Бөлүмдүн окутуучулары да өздөрүн таанытып, студенттерге өз кеңештерин берип, аларга ийгилик каалап өтүштү.
.jpeg)
