2026-09-25
«Аял диван акындары жана Хазинедарзаде Фытнат Ханым» аттуу семинар өткөрүлдү
24-сентябрь, бейшемби күнү Кырыккале университетинин Гуманитардык жана коомдук илимдер факультетинин Түрк тили жана адабияты бөлүмүнүн окутуучусу, доцент, доктор Мүмине Чакыр тарабынан «Аял диван акындары жана Хазинедарзаде Фытнат Ханым» аттуу семинар өткөрүлдү.
Семинардын жүрүшүндө диван адабиятынын акыркы доорундагы көрүнүктүү акындардын бири Хазинедарзаде Фытнат Ханым жана башка аял диван акындары тууралуу кеңири маалыматтар берилди. Аталган тема студенттер тарабынан чоң кызыгуу менен кабыл алынды.
Иш-чаранын соңунда семинарды өткөргөн окутуучуга ыраазычылык грамотасы тапшырылды.
