Автомобиль лабораториясы жана үйрөтүүчү бөлмө – заманбап жабдыктар менен жабдылган, студенттерге теориялык билимдерди иш жүзүндө колдонууга мүмкүндүк берүүчү окуу аянтчасы. Бул лабораторияда двигатель системалары, зажигание механизмдери, тормоздук система, руль башкаруу жана берүүчү кутулары сыяктуу автомобиль технологиясынын негизги компоненттери изилденет.
Студенттер түтүн чыгаруу өлчөөлөрү, двигатель деталдарын чогултуу-ажыратуу, электр-электроника схемаларын анализдөө, диагностикалык каталарды табуу жана форсунка тазалоо сыяктуу иштерди түздөн-түз аткаруу мүмкүнчүлүгүнө ээ болушат. Ошондой эле, гидравликалык руль системасы, автоматтык жана CVT берүүчү кутулар, дифференциал механизмдери жана парковочный сенсор системасы сыяктуу заманбап автомобиль технологиялары үйрөтүүчү стенддер аркылуу үйрөтүлөт.
Лабораториядагы аккумулятор заряддоочу аппараттар, компрессорлар, фарды теңөөчү приборлор жана боёк катмарын өлчөөчү аппараттар студенттерди чыныгы иш шартына даярдайт. Бензин жана дизель двигателдери үчүн стенддер, электр машина моделдери жана ар кандай кесилген макеттер студенттерге автомобиль инженериясынын ар кайсы тармактарын үйрөнүүгө жардам берет.
Бул бөлмө окутуучу М. Рюштю Чифтчинин жетекчилиги астында иштейт жана студенттерге автомобиль тармагында керек болгон практикалык көндүмдөрдү өздөштүрүүгө багытталган.
