2022-12-26
Microsoft кызматкери Орозбек Аскаров менен маек
19.12.2022 күнү, Колдонмо математика жана информатика бөлүмүнүн 2015-2016-окуу жылынын бүтүрүүчүсү, учурда дүйнөгө таанымал Microsoft компаниясында программист катары иштеп жаткан Орозбек Аскаровдун катышуусунда семинар өткөрүлдү. Семинарга бөлүмдүн студенттери жана мугалимдери катышып , өздөрүн кызыктырган суроолорду беришти. О. Аскаров алгач өзү жөнүндө маалымат берип, учурдагы жетишкендиктерди кантип багындыргандыгы жана келечекке койгон пландары тууралуу бөлүштү. Ал чет мамлекетте İT тармагынын өнүгүү деңгээлин жана учурдагы абалын, ошондой эле иштөө мүмкүнчүлүктөрүн белгилей кетти. Студенттерге ар дайым билим алып, жаңы нерселерди үйрөнүүгө умтулууларын жана билимин өркүндөтүү керек экендигин кеңеш катары айта кетти.
