Биология бөлүмүнүн докторанттарынын ийгилиги
Жаштардын ишкердигин өнүктүрүүгө дем берүү жана бизнес-идеяларды андан ары илгерилетүү максатында Кыргыз Республикасынын Билим берүү жана илим министрлиги тарабынан уюштурулган стартап долбоорлор конкурсуна Биология бөлүмүнүн докторанттары дагы катышып ийгиликке жетишишти. Табигый илимдер факультетинин деканы б.и.д., профессор Гүлбүбү Курманбекованын жетекчилиги алдында түзүлгөн жумушчу топ “Кыргыз алмасынан (Malus kirghisorum) полифенолоксидаза ферментин тазалоо жана ретротранспозондорду анализдөө” аттуу долбоору менен финалга жетип, Кыргыз Республикасынын Министрлер Кабинети тарабынан стартапты ишке ашыруу үчүн толук кандуу каржылоосуна ээ болду. Жумушчу топтун курамына кирген Биология бөлүмүнун докторанттары Бектөре Мансуровду жана Бермет Кыдыралиеваны, бөлүмдүн магистранты Айдай Эргешованы жана жетекчиси б.и.д., профессор Гүлбүбү Курманбекованы куттуктап, ийгиликтеринин улана берүүсүн каалайбыз!
