Акылдуу төлөмдөр жана маалыматтык технологиялар
2022-жылдын 3-июнунда Кыргыз-Түрк “Манас” университетинде “Акылдуу төлөмдөр жана маалыматтык технологиялар” аталышындагы жыйын болуп өттү.
Инженердик факультети тарабынан уюштурулган бул жыйынга ректор кеңешчиси, экономика жана башкаруу факультетинин деканынын м.а., профессор Серхат Бурмаоглу катышты.
Иш-чарада инженердик факультетинин деканынын м.а., доцент Нурзат Тотубаева ачылыш сөзүн сүйлөдү. Андан соң PayMob.KG каржылык технология компаниясынын жетекчилери жана кызматкерлери катышуучулар менен өздөрүнүн кесиптик билими жана тажрыйбасы менен бөлүшүштү.
Декандын м.а Нурзат Тотубаева жана компьютердик инженерия бөлүмүнүн башчысы, доцент Райымбек Султанов модератордук кылган жыйында PayMob.KG компаниясынын жетекчиси Игорь Ким “Who we are? What we do?”; компаниянын эксперттеринин бири Эркинбек Исаков, “Equiring Bysiness Overview”; Кантемир Чалбаев “Payment Editions (QR, NFC, Apple Pay)” жана Тимур Ташкулов “Equiring and Payment Solutions in KG” деген темада баяндама жасашты.
Жыйындан соң профессор Серхат Бурмаоглу кызматташтыктын маанилүү экенин белгилеп, мындай бирдиктүү иш-чараларды өнүктүрүү үчүн Технология трансфер кеңсесинин түзүүгө аракет көрүлүп жатканын белгиледи.
Медиа Манас
http://mediamanas.kg/4412-smart-payments-ve-bilgi-teknolojileri-paneli.html