Жаңылыктар

Кыргыз-Түрк “Манас” университетинин айыл чарба факультетинин окутуучулары жана студенттери тарабынан факультеттин окуу-базасында өстүрүлгөн коон ѳсүмдүктѳрүн жыйноо иштери башталды.

2022-жылдын 12-сентябрында коон ѳсүмдүктѳрүн жыйноо боюнча КТМУнун айыл чарба факультетинин деканынын м.а., профессор Атилла Дурсун “Медиа Манас” борборунун кабарчысына берген маегинде мындай деди: «Биз коон ѳсүмдүгүн өстүрүү боюнча изилдөө жүргүздүк. Кыргызстанда жашылча аз өндүрүлгөндүктөн, биздин өндүрүүчүлөргө кээ бир түрлөрүн өстүрүүгө түрткү берүү максатында күнѳсканада жана талаада коонду ѳстүрүү техникасын, кѳрсѳткүчтѳрүн карап чыктык. Жалпысынан, коондун 10 түрүн изилдеп чыктык, эми мындан ары изилдөөбүздүн жыйынтыгында Кыргызстандын экологиясына эң ылайыктуу делген сортун аныктап, дыйкандарга сунуштайбыз”.

Белгилей кетсек, айыл чарба факультетинин студенттери тарабынан ѳстүрүлүп, жыйналган жашылча-жемиштер университеттин студенттер ашканасына колдонууга берилет.

Медиа Манас

http://mediamanas.kg/4544-ktmde-kavun-hasadna-baland.html