Жаңылыктар

ТҮРКСОЙ эл аралык уюмунун башкы катчысы Султан Раев Кыргыз-Түрк “Манас” университетине келип, окуу жайдын ректору, профессор Алпаслан Жейлан менен жолукту.

Жолугушууда башкы катчы Кыргыз-Түрк “Манас” университетинин Кыргызстандын билим берүү тармагындагы ордун жана Түрк дүйнөсүнүн маданий карым-катнашын өркүндөтүү, өнүктүрүү ошондой эле аны дүйнөгө таанытууда кошкон салымын баса белгилеп, ТҮРКСОЙ эл аралык уюму “Манас” университети менен кызматташууга ар дайым кубанычта экенин билдирди.

Университеттин ректору, профессор Алпаслан Жейлан Султан Раевдин ТҮРКСОЙдун башкы катчылык кызматына дайындалганынын алгачкы иш сапарын “Манас” университетинен баштаганын эске салып, университетке көрсөткөн кызыгуусу жана колдоосу үчүн ыраазычылык билдирди.

Медиа Манас

http://mediamanas.kg/4859-trksoy-genel-sekreteri-manas-ziyaret-etti.html