Илимий изилдөө жана жарыялоо этикасы боюнча комиссия тарабынан семинар уюштурулду
Кыргыз-Түрк “Манас” университетинин Илимий изилдөө жана жарыялоо этикасы боюнча комиссиянын семинарлары уланууда.
Аталган комиссия тарабынан уюштурулган кезектеги семинарды ректордун башкы кеңешчиси, PhD., профессор Режаи Доган “Илимий изилдөө жана жарыялоо этикасы” деген темада өттү.
2023-жылдын 19-апрелинде Касым Тыныстанов атындагы жыйындар залында өткөрүлгөн иш-чара Илимий изилдөө жана жарыялоо этикасы боюнча комиссиянын төрагасы, профессор PhD., профессор Күршад Йылмаздын ачылыш сөзү менен башталды.
Семинардын жүрүшүндө PhD., профессор Режаи Доган илим этикасынын жалпы принциптерин, илимдеги этикалык позициянын стандарттарын, илимий басылмаларда этикалык көйгөйлөрдүн пайда болуу себептерин, илимий изилдөө жана жарыялоо этикасына каршы иш-аракеттерди, ошондой эле магистратурада окуган студенттердин этикага туура келбеген жүрүм-турумдары тууралуу айтып берди.