Президент Эрдоганга биринчи даражадагы “Манас” ордени ыйгарылды
Кыргыз Республикасынын президенти Садыр Жапаров Түркия Республикасынын президенти Режеп Таййип Эрдоганга биринчи даражадагы “Манас” орденин тапшырды.
Түрк мамлекеттер уюмунун мамлекет башчыларынын 11-саммитине катышуу үчүн Бишкекке келген Эрдоган “Ынтымак ордо” президенттик администрациясында өткөрүлгөн жолугушууга катышты.
Тапшыруу аземинде президент Жапаров Эрдоганга Кыргызстан менен Түркиянын ортосундагы стратегиялык кызматташтыкты өнүктүрүүгө, эки элдин биримдигин жана достугун чыңдоого кошкон олуттуу салымы үчүн биринчи даражадагы “Манас” орденин ыйгарды.
Manas TV, Anadolu Ajansı
