“Манас” университетинин жетекчилигинин студенттер менен жолугушуусу: Жаңы окуу жылында студенттик кеңеш башкармалыгы өз ишин баштады
2024-жылдын 27-ноябрында Кыргыз-Түрк “Манас”университетинин ректору, PhD., профессор Алпаслан Жейлан, биринчи проректор, саясий и.к., доцент Алмаз Ибраев жана жаңы шайланган 2024-2025 окуу жылынын студенттик кеңеш башкармалыгынын башкаруу, текшерүү комитеттеринин мүчөлөрү окумуштуулар кеңешинин жыйындар залында чогулушту.
Таанышуу максатында уюштурулган жолугушууда КТМУнун проректору, PhD., профессор Камалбек Карымшаков, студенттик кеңештин төрагасы Акмат Бактыбек уулу, төраганын орун басары Ибрагим Тан менен бирге студенттик кеңеш башкармалыгынын башкаруу жана текшерүү комитеттеринин мүчөлөрү орун алды.
Жолугушуунун ачылыш сөзүн сүйлөгөн биринчи проректор, саясий и.к., доцент Алмаз Ибраев аталган башкармалыктын университеттин жетекчилиги менен студенттер ортосунда көпүрө катары милдетин ийгиликтүү аткарат деген ишеничин билдирди. “Силердин идеяларыңар жана сунуштарыңар биз үчүн абдан баалуу. Бул процессте жоопкерчиликти сезип, милдетиңерди активдүү аткарып, түшүнүү менен иш алып барасыңар деген үмүттөмүн,” – деген Ибраев аларга ийгилик каалады.
Ректор, PhD., профессор Алпаслан Жейлан өз сөзүндө “Манас” университетинин студенттерге багытталган мамилесин баса белгилеп, “Менин университетке байланыштуу негизги позициям - студенттердин курсагы ток, кийиминин бүтүн болушу керек”, - деди. PhD., профессор Жейлан университеттин жетекчилиги катары ар дайым студенттердин жанында болоорун билдирди. Окуу жайдын студенттери түрк дүйнөсүнөн тандалып алынган, ийгиликтүү адамдар экенин белгилеген ректор: “Силерден эң чоң үмүтүбүз – тынбай эмгектенип, ийгиликке жетишиңер жана КТМУнун атын эң жакшы, татыктуу түрдө алып жүргөнүңөр”, - деди. Мындан тышкары, ректор студенттик кеңеш башкармалыгына көрсөткөн колдоосу ар дайым уланарын билдирди.
“Манас” университетинде студенттердин өкүлчүлүгү күчтөнүүдө
Жыйындын жүрүшүндө комиттердин мүчөлөрү өздөрүн тааныштырып, жаңы милдеттери менен жоопкерчиликтери тууралуу маалымат беришти. Ар бир мүчө окуу жылы бою кеңештин миссиясына ылайык ишке ашырууну пландаган долбоорлору тууралуу ой бөлүшүп, студенттер менен бекем байланыш түзүү аркылуу университетке баалуулук кошо турган демилгелерди колго алуу максатын баса белгилешти.
Жыйында студенттик кеңеш башкармалыгынын төрагасы Акмат Бактыбек уулу жана анын орун басары Ибрагим Тан көрсөткөн колдоосу жана кошкон салымы үчүн университеттин жогорку жетекчилигине ыраазычылык билдиришти.
Жыйындын соңунда бул атайын жолугушуунун алкагында студенттик кеңештин мүчөлөрүнө университеттин төш белгилери ыйгарылды. Иш-чара жамааттык эстеликке сүрөткө түшүү менен аяктады.
Haberin Fotoğrafları:
https://www.instagram.com/p/DDEuN14NYvG/?igsh=MTF0bmlveTU5c2N3cQ==
Manas TV'nin Haberi:
