Жаңылыктар

Кыргыз-Түрк “Манас” университетинин ректору, PhD., профессор Алпаслан Жейландын жетекчилигинде факультеттердин академиялык жыйындары өткөрүлдү.

Ректор Жейлан 2024-жылдын 21-ноябрынан 13-декабрына чейин факультеттердин жыйындарына катышып, университеттин академиялык ишмердүүлүгүн жакындан изилдеп, максаттарга жетүү боюнча баа берди.

Проректорлор PhD., профессор Режаи Доган жана PhD., профессор Камалбек Карымшаков да катышкан жыйындарда ар бир факультеттин учурдагы абалы, 2025-жылдагы максаттарына ылайык миссиясы, концепциясы жана стратегиялары талкууланып, пикир алмашуу жүргүзүлдү.

“Манас” университети академиялык жыйындары менен келечектин жол картасын түзүүдө

PhD., профессор Жейлан факультеттерге болгон сапарында окутуучулардын ишмердүүлүгү тууралуу кенен маалымат алды. Факультеттердин билим берүү, изилдөө жана коомго кызмат кылуу багытындагы көрсөткүчтөрү бааланып, студенттердин муктаждыктарына ылайык чечимдерди сунуштоо маселелери да талкууланды.

PhD., профессор Жейлан ар бир факультеттин жетишкендиктерин жакындан көзөмөлдөп турганын белгилеп, “Биз, Кыргыз-Түрк “Манас” университети, өлкөнүн да, студенттердин да келечегине багыт бере турган долбоорлор менен жолубузду улантып жатабыз. Академиялык кызматкерлерибиздин берилгендик менен иш алып баруусу – бул ийгиликтердин негизги пайдубалын түзөт”, – деди.

Мындан тышкары, жыйындарда студенттердин сапаттуу билим алуусу үчүн жасалган аракеттер жогору бааланды.

Ректор баштаган топтун факультеттерге болгон сапары университеттин күчтүү академиялык келечекке кадам таштоо максатын бекемдөө менен бирге факультеттер менен жетекчилик ортосундагы байланышты да чыңдады.

Haberin Fotoğrafları:

https://www.instagram.com/p/DDqnt1ytcou/?igsh=MWVqZ3R4aXlyc2o4eg==