Жаңылыктар

Чет тилдер жогорку мектебинин Башкаруу кеӊешинин 2024-жылдын 20-декабрындагы №33-отурумунда кабыл алынган №2024.033.148 номерлүү чечиминин негизинде Чет тилдер жогорку мектебинин Тил үйрөтүү бөлүмүнүн 2024-2025-окуу жылынын академиялык календарына ылайык 2025-жылдын 07-09-январь күндөрү өткөрүлө турган жазгы семестрдин тилден бошотуу сынактарына (кыргыз, түрк, англис, орус жана кытай тилдери) катышууну каалаган талапкерлерге болгон талаптар, аталган сынактын өтө турган жери, сааты жана күндөрү жана ошондой эле баалоо критерийлери төмөндө көрсөтүлгөн.

СЫНАККА КАТТАЛУУ ТАЛАПТАРЫ:

Жазгы семестрдин Тилден бошотуу сынактарына (кыргыз, түрк, англис, орус жана кытай тилдери) төмөндөгү шарттарга жооп берген студенттер каттала алат:

1. Тил үйрөтүү программасы боюнча билим алып жаткан магистратура жана докторантура багытынын студенттери;
2. Тил үйрөтүү программасындагы үйрөнүүгө милдеттүү болгон тилдерди экинчи (2) окуу жылында улантып жаткан студенттер;
3. 2024-2025-окуу жылында тил үйрөтүү программасы боюнча даярдоо курсунда билим алып баштаган жана алгачкы эки ара сынактан орточо 85 (BA) же андан жогору упай топтой алган орто кесиптик билим берүү программаларынын жана бакалавр программаларынын студенттери кире алышат.

МААНИЛҮҮ ЭСКЕРТҮҮЛӨР:

1. Тилден бошотуу сынактары салттуу (оффлайн) түрдө өткөрүлөт.
2. Сынакка катталуу талаптарына жооп бере албаган студенттер Тилден бошотуу сынагына кире алышпайт.
3. Кыргыз-Түрк “Манас” университетинин Тил үйрөтүү жана сынак өткөрүү боюнча нускамасынын 10-беренесинин (б) пунктуна ылайык жүйөөлүү себептерден улам тилден бошотуу сынагына катыша албай калган студенттер үчүн кошумча сынак өткөрүлбөйт.
4. Тилден бошотуу сынагын ийгиликтүү тапшырган студенттердин тизмеси Студенттик иштер башкармалыгына билдирилет, андыктан бул студенттер даярдоо курсун аяктады деп эсептелет.

СЫНАККА АРЫЗ БЕРҮҮ ТАРТИБИ:

Тилден бошотуу сынактарына (кыргыз, түрк, англис, орус жана кытай тилдери) катыша турган студенттерибиз 2025-жылдын 03-январь күнү (Кыргызстан убактысы боюнча) саат 23:59га чейин https://admission.manas.edu.kg/ydyo/ дареги боюнча катталуу менен бирге каттоо баракчасында талап кылынган маалыматты толук жазуусу керек. Сынакка катталган студенттер, каттоонун аягында бериле турган сынак баракчасын сынак күнү өздүгүн тастыктоочу документ (студенттик билети же паспорту) менен кошо алып келүүсү керек. Студенттик билети (же паспорту) жана сынак баракчасы жок студенттер сынакка катыштырылбайт. Сынакка катталуу учурунда билдирилген жалган өздүк маалымат студенттин каттоо баракчасын жана сынак баракчасын жараксыз деп табууга негиз түзөт.

СЫНАКТЫН ӨТӨ ТУРГАН ЖЕРИ:

Кыргыз-Түрк “Манас” университетинин башкы имаратында (Ч. Айтматов проспектиси, 56, Бишкек ш., Кыргызстан) жайгашкан Чет тилдер жогорку мектеби.

СЫНАКТЫН СААТЫ ЖАНА КҮНДӨРҮ:

СЫНАКТЫ БААЛОО

Тилден бошотуу сынактары (кыргыз, түрк, англис, орус жана кытай тилдери) төмөндө көрсөтүлгөндөй критерийлерге ылайык бааланат.

Окуп түшүнүү сынагы: Кеминде эки башка тексттен жана тиешелүү тексттер боюнча суроолордон турат.

Угуп түшүнүү сынагы: Кеминде эки башка аудио жазуусунан жана тиешелүү аудио жазуулар боюнча суроолордон турат.

Дилбаян: Тиешелүү сынак комиссиясы тарабынан аныкталган үч түрдүү дилбаян темасынан каалаган бирөөнү тандап, C1 деңгээлине ылайык өз оюн чыгармачылык менен жазып берүүсү талап кылынат.

Оозеки сынак: Тиешелүү сынак комиссиясы тарабынан даярдалган билеттердин арасынан чучу кулак кармоосу жана студенттин берилген темада көркөм баарлашуусу талап кылынат.

КӨҢҮЛ БУРУЛА ТУРГАН ЭРЕЖЕЛЕР:

1. Сынак башталардан мурун сынак алуучу документ (студенттик билет же паспорт) текшерет. Студенттик билети (же паспорту) жок студенттер сынакка катыштырылбайт.
2. Сынак алуучу тарабынан зарыл болгон текшерүү иши аткарылуусу үчүн сынактан эң аз 30 мүнөт мурун тиешелүү сынак жайында болуу зарыл.
3. Студенттер сынак алуучу айткан эрежелерге баш ийүүсү керек.
4. Сынакта бир гана калем колдонулат.