Кыргыз-Түрк “Манас” университетине жаңы башкы катчы дайындалды
Кыргыз-Түрк “Манас” университетинин жаңы башкы катчысы кызматына 2025-жылдын 21-январынан тарта табигый илимдер факультетинин колдонмо математика жана информатика бөлүмүнүн профессордук-окутуучулук курамынан PhD., профессор Исмет Алтынташ дайындалды.
Куттуктоо ректорлукта расмий программа менен коштолуп, кызматка дайындалгандыгы тууралуу буйрукту КТМУнун ректору, PhD., профессор Алпаслан Жейлан, биринчи проректор, саясий и.к., доцент Алмаз Ибраев жана проректор, PhD., профессор Камалбек Карымшаков тапшырды. Алар башкы катчы болуп дайындалган PhD., профессор Исмет Алтынташты жаңы кызмат орду менен куттуктап, жооптуу ишине ийгиликтерди каалашты.
