Жаңылыктар

Түрк кызматташтык жана координация агенттигинин (ТИКА) Бишкектеги Программалык координациялык кеңсеси тарабынан “Кыргыз-Түрк “Манас” университетинин билим берүү күнөсканасына техникалык колдоо көрсөтүү” долбоорунун алкагында 12 даана жабдуу 2025-жылдын 29-январында уюштурулган расмий аземде КТМУнун айыл чарба факультетине тапшырылды.

Жабдууларды тапшыруу аземине окуу жайдын ректору, PhD., профессор Алпаслан Жейлан, биринчи проректор, саясий и. к., доцент Алмаз Ибраев, башкы катчы, PhD., профессор Исмет Алтынташ, ТИКАнын Кыргызстандагы программалык координатору Мехмет Бодур, айыл чарба факультетинин деканы, PhD., профессор Ахмет Айгүн, окутуучулар жана студенттер катышты.

ТИКАнын колдоосу менен заманбап айыл чарба билимине салым

Түрк кызматташтык жана координация агенттигинин Кыргызстандагы программалык координатору Мехмет Бодур “Манас” телеканалына берген маегинде ТИКАнын Кыргызстандын өнүгүшүнө, өзгөчө жаштардын билими алуусуна чоң салым кошуп жатканын баса белгиледи. 2021-жылы “Манас” университети менен кызматташтыктын алкагында билим берүүнүн практикалык күнөсканасы түзүлгөнүн эске салган Бодур сөзүн мындай деп улантты: “ТИКА “Манас” университетинин билим берүү системасына жана Кыргызстандагы студенттердин өнүгүүсүнө колдоо көрсөтүү максатында инфраструктурасын техникалык жактан жакшыртууну уланта бермекчи.”

Кыргызстандын айыл чарбасынын келечеги үчүн инвестиция

Кыргыз-Түрк “Манас” университетинин ректору, PhD., профессор Алпаслан Жейлан айыл чарба жана мал чарбачылыгынын келечектеги маанисине көңүл буруп, “Дүйнөлүк стратегияларга ылайык келечектеги жүз жылда кургакчылык жана башка экологиялык кыйынчылыктар бизди күтүп турат. Ошондуктан азык-түлүк мындан да баалуу болуп калат”, - деди. PhD., профессор Жейлан “Манас” университетинин заманбап айыл чарба жана мал чарбачылыгы жаатында билим берип жатканын, бул тармакта жасалган иштердин жана Түркиядан көрсөтүлгөн колдоолордун окуу жайдын концепциясына чоң салым кошуп жатканын белгиледи. “ТИКАнын окуу жайыбызга күнөсканалар менен гана эмес, ошондой эле ар кандай айыл чарба шаймандары менен да колдоо көрсөтүүдө. Мындай колдоолор менен чоң ийгиликтерге жетишебиз”, - деп сөзүн жыйынтыктады.

Айыл чарба факультетинин мөмө-жемиш жана талаа өсүмдүктөрү бөлүмүнүн башчысы, доцент Эрен Өзден жаңы берилген шаймандардын айрымдары ачык аянттарда, башкалары болсо каптап өстүрүү, күнөскана иштетүү жана айыл чарба факультетинин студенттеринин практикалык жайларында колдонуларын айтып, ТИКАга ыраазычылык билдирди.

Жабдуулар тапшырылган соң ТИКАнын Кыргызстандагы программалык координатору Мехмет Бодур жана окуу жайдын жетекчилиги айыл чарба факультетинин практикалык жайларына барып, анда жүргүзүлүп жаткан иштер менен таанышышты.

Haberin Fotoğrafları:

https://www.instagram.com/manasuniv/p/DFb5Oa_N0VC/?hl=en

Manas TV'nin Haberi: 

https://youtu.be/-XN8EfmYfQ0