Жаңылыктар

Кыргыз-Түрк “Манас” университетинин үй-бүлөсү Орозо айынын тынчтыгын жана берекесин бөлүшкөн күндөрүнөн кийин майрамдын кубанычын да чоң шаң менен өткөрдү. Абдулкерим Сатук Бугра Хан атындагы мечитте оң миңдеген кыргызстандыктардын катышуусунда айт намазы окулду. Андан соң ректорлук тарабынан студенттерге эртең мененки тамак берилди.

КТМУнун кызматкерлери айттын биримдик жана тилектештик рухуна ылайык уюштурулган салтка айланган майрамдык иш-чарада социалдык курулуштар имаратында чогулушту. Университеттин жетекчилиги, окутуучулар, административдик кызматкерлер жана студенттер майрамдын кубанычын бөлүшүп, биргеликте тилектерин айтышты.

Кыргыз-Түрк “Манас” университетинин ректору, профессор Алпаслан Жейлан маанилүү долбоорлордун алкагында Түркияда болгондуктан майрамдык жолугушууга онлайн форматта катышты.

Салтанатта студенттердин, “Манас” үй-бүлөсүнүн кызматкерлерин Орозо айт майрамы менен куттуктаган ректор биримдик жана ынтымакка чакырып, каалоо-тилектерин айтты.

“Манас университети илим ордосу гана эмес, чоң үй-бүлө”

Майрамдык жолугушууда сөз сүйлөгөн проректор, профессор Режаи Доган Орозо айт — бир туугандык, бөлүшүү, жардамдашуу, сүйүү жана урматтоо сезимдери дагы жакшыраак сезилген өзгөчө күндөр экенин белгиледи.

Проректор Доган КТМУ илим ордосу гана болбостон, чоң үй-бүлө экенин айтып, “Манас үй-бүлөсү катары бул руханий атмосфераны биргеликте бөлүшүп жаткандыгыбызга кубанычтабыз. Окуу жайыбыздын ар бир мүчөсүнүн эмгеги жана салымы менен бул үй-бүлөнүн жылуулугу күндөн-күнгө артууда”, —  деди.

Айт майрамдары кубаныч жана бакыт бөлүшүү менен гана чектелбей, коомдук баалуулуктарды эске салуу жана жоопкерчилик сезимин бекемдөө жагынан да чоң мааниге ээ экенин баса белгилеген профессор Доган сөзүн мындай деп жыйынтыктады: “Ушул мүмкүнчүлүктөн пайдаланып бардык академиялык жана административдик кызматкерлерди, студенттерди жана бүтүрүүчүлөрдү Орозо айт майрамы менен чын жүрөктөн куттуктайм.”

“Ата-Журтта бирге болуунун кубанычын жашап жатабыз”

Ал эми башкы катчы, профессор Исмет Алынташ өз сөзүндө Ата-Журтта бирге болуунун кубанычын сезип жаткандыгын баса белгилеп, майрамдын биримдик жана тилектештик ичинде өткөрүүнүн маанисине токтолду.

Профессор Алынташ: “Мындай өзгөчө күндүн кубанычын жакындарыбыз, досторубуз, коңшуларыбыз жана студенттер менен бирге сезели. Майрамыңар куттуу болсун”, —   деп, “Манас” үй-бүлөсүнүн бардык мүчөлөрүн куттуктады.

Кыргыз-Түрк “Манас” университети Орозо айы ичинде “Университеттен да артык...” деген урааны менен студенттерге багытталган жана социалдык жоопкерчиликке негизделген иш-чараларды уюштурду. Ректорлук тарабынан жетектелген Чыңгыз Айтматов атындагы студенттик шаарчада IV Ачык асман алдында ооз ачуу саамалыгы өткөрүлүп, биримдик жана ынтымак руху айкалыштырылды.

Мындан тышкары, “Манас” телеканалы жана “Манас” радиосу саарлыкта жана ооз ачарда атайын программаларын эфирге чыгарып, Орозо айынын рухун коомчулукка жеткирди.

КТМУнун Орозо айы бою өткөргөн иш-чаралары менен бир гана билим берүү мекемеси эмес, коомдук тилектештик жана руханий баалуулуктарды жашатуучу маанилүү илим жана маданият борбору экенин дагы бир жолу далилдеди.