Жаңылыктар

Кыргыз-Түрк “Манас” университети социалдык жоопкерчилик долбоорлорунун алкагында үлгүлүү иш-чара өткөрдү. Окуу жайдын туруктуу өнүктүрүү боюнча комиссиясынын жетекчилиги астында инженердик жана теология факультеттери менен биргеликте 2025-жылдын 31-мартында Беловодск айылындагы мектепке чейинки балдар үйүнө майрамдык сапар уюштурулду.

Аталган комиссиянын төрагасы, профессор Кемал Полат менен бирге жолугушууга инженердик факультетинен демөөрчүлөр, химия инженерлиги бөлүмүнүн башчысы, профессор Ферхан Түмер жана кесиптик жогорку мектептин мүдүрү, профессор Мирбек Турдуев жана теология факультетинин “Калем” клубунан бир топ студент катышты.

Иш-чаранын ачылыш сөзүн сүйлөгөн профессор Полат: “Бул өзгөчө күндө балдарыбызга майрамдык кубаныч тартуулоону, аларга коом катары берген баалуулукту көрсөтүүнү жана бул маанилүү күндү чогуу өткөрүүнү кааладык”, - деди.

Жолугушуунун алкагында делегация өкүлдөрү балдар менен баарлашып, ар түрдүү оюндар ойношуп, майрамдын шаңын бөлүшүштү. Программанын аягында аларга таттуулар таратылып, мындан тышкары, жатак-мектепте окуган окуучуларга тамак-аш тартууланды.

Балдар үйүнүн мүдүрү Анна Генадьевна жолугушуу үчүн ыраазычылык билдирип, мындай деди: “Балдарыбыздын жүзүнөн майрамдык маанайды көрүү биз үчүн абдан кубанычтуу. КТМУнун жетекчилигине жана уюштуруучуларга ыраазычылык билдиребиз.”

Бул маңыздуу иш-чара КТМУнун социалдык жоопкерчилик жөнүндөгү түшүнүгүн дагы бир жолу бекемдеди.