Жаңылыктар

1071-жылдагы Малазгирт жеңишинин 954 жылдыгы 2025-жылдын 22-25-август күндөрү Битлистин тарыхый Ахлат шаарында чоң салтанат менен белгиленди. Иш-чаралардын алкагында жаа атуу, жарыш, күрөш жана концерттер уюштурулду. Иш-чара Президенттин колдоосу менен Режеп Таййип Эрдоган улуттук бакчада өттү.

Бул жылы майрамдык иш-чараларга Кыргыз-Түрк “Манас” университети да катышты. Университеттин Эл аралык байланыштар бөлүмү уюштурган боз үйдө университеттин илимий иштеринин, студенттик долбоорлорунун көргөзмөсү уюштурулду. Келген конокторго окуу мүмкүнчүлүктөрү тууралуу кенен маалымат берилди.

Аймактагы мамлекеттик жетекчилер жана жарандык коом уюмдарынын өкүлдөрү университеттин боз үйүнө келип, ректор Алпаслан Жейлан менен жолугушуп, пикир алышты. КТМУнун бул иш-чарадагы катышуусу элдин чоң кызыгуусун жаратты.

Ректор Алпаслан Жейлан келген коноктор менен жакындан баарлашып, университеттин мындай тарыхый жана маданий иш-чараларда катышуусунун маанилүүлүгүн белгиледи. Иш-чарада мындан тышкары ар кайсы облусттардан келген улуттук тамак-аш, буюмдар коюлуп, балдар үчүн салттуу оюндар өткөрүлдү.

Кыргыз-Түрк “Манас” университетинин Малазгирт жеңиши иш-чарасында активдүү катышуусу, маданий көпүрө болуп, университеттин илимий жана коомдук байланыштарын чыңдады.