Жаңылыктар

2025-жылдын 28-ноябрында Анкара университетинин ректору, профессор Неждет Үнүвар менен Кыргыз-Түрк «Манас» университетинин ректору, профессор  Алпаслан Жейлан жолугушту .

Анкара университетинин делегациясы КТМУнун Камкорчулар кеңешинин төрагасы, профессор  Ибрахим Чапак, ректор профессор  Алпаслан Жейлан, биринчи проректор, саясий и.к., доцент Алмаз Ибраев, проректорлор, профессор Исмет Алтынташ менен профессор Камалбек Карымшаков, башкы катчы, доктор Фатих Рамазан Истанбуллугил жана окумкштуулар кеңешинин мүчөлөрү тарабынан ректораттагы жыйындар залында кабыл алынды.

Жолугушуунун алкагында эки университеттин академиялык кызматташтыгын бекемдөө максатында Академиялык кызматташуу келишимине кол коюлду.

КТМУнун Камкорчулар кеңешинин төрагасы, профессор Ибрахим Чапак кол коюлган протокол эки таанымал университет үчүн пайдалуу жана жемиштүү болсун деген тилегин билдирди. Профессор Чапак академиялык жана маданий чөйрөдө жүргүзүлө турган иштер эки тарап үчүн да маанилүү натыйжаларды алып келерин белгиледи.

Андан соң сөз сүйлөгөн КТМУнун ректору, профессор Алпаслан Жейлан протоколдун Түрк дүйнөсүндө академиялык кызматташууларга жаңы дем берерин билдирди.

Профессор Жейлан: «Анкара университетинин ректору, профессор Недждет Үнүвар жана делегациясын Теңир-Тоонун этегиндеги университетибизде тосуп алганыбызга кубанычтабыз. Бул протокол илимий өндүрүштү гана арттырбастан, Түркия менен Кыргызстан ортосундагы достук жана туугандык байланыштарын да бекемдейт», – деп айтты.

КТМУнун биринчи проректору, саясий и.к., доцент Алмаз Ибраев кол коюлган протокол университеттин академиялык кызматташтыктарын күчөтөрүн, студенттерге жана академиялык кадрга жаңы мүмкүнчүлүктөрдү сунуш кыларын белгилеп, протокол эки тарап үчүн да жемиштүү кызматташтык негизин түзөрүн айтты.

Анкара университетинин ректору, профессор Недждет Үнүвар протокол эки университет үчүн пайдалуу болсун деген тилегин айтып, биргеликте жүргүзүлө турган иштер жаш илимпоздор үчүн жаңы мүмкүнчүлүктөрдү ачарын белгиледи. Профессор Үнүвар: «Манас университети Түрк дүйнөсүндө баалуулугу жогору, кадыр-барктуу жана өзгөчө билим берүү мекемеси. Түркия менен Кыргызстан ортосундагы күчтүү академиялык жана маданий байланыштардын тереңдешине кубанычтабыз», – деди.

Кол коюлган протокол биргелешкен илимий изилдөөлөрдү жүргүзүүнү, бакалавр жана магистратура деңгээлинде студент жана академиялык алмашууну, спорт, искусство жана маданият тармактарында биргелешкен иш-чараларды өнүктүрүүнү камтыйт.

Жолугушуунун алкагында Анкара университетинин ректору, профессор Недждет Үнүварга «КТМУнун 30 жылдык кызмат медалы» тапшырылды. Профессор Үнүвар бул маанилүү сыйлыкты алганына ыраазычылыгын билдирди.

Жолугушуу суроо-жооп бөлүмү менен улантылып, андан соң белектер тапшырылып, эстеликке сүрөткө түшүү менен аяктады.