КТМУ менен Муш Алпарслан университети кызматташтык протоколуна кол коюшту
Кыргыз-Түрк «Манас» университети (КТМУ) жана Муш Алпарслан университети академиялык кызматкерлер менен студенттердин алмашуусун колдоо жана илимий кызматташтыкты өнүктүрүү максатында протоколго кол коюшту. Жолугушууда эки университеттин ортосунда жүргүзүлө турган биргелешкен академиялык иш-чаралар жана бул иш-чараларды ар тараптуу өнүктүрүү мүмкүнчүлүктөрү талкууланды.
Академиялык мобилдүүлүктү жана илимий кызматташтыкты өнүктүрүү көздөлүүдө
Протокол академиялык кызматкерлердин, ошондой эле бакалавриат жана магистратура/докторантура студенттеринин өз ара алмашуусуна жана илимий кызматташтыкты өнүктүрүүгө негиз түзөт. Бул багытта эки университеттин ортосунда маалымат жана тажрыйба алмашууну арттыруу, ошондой эле биргелешкен академиялык иштерди колдоо максат кылынууда.
