2026-04-14
Биринчи жардам корсоту
2026-жылдын социалдык жоопкерчилик иш-чараларынын алкагында 2026-жылдын 14-апрелинде айымдарга арналган «Биринчи жардам көрсөтүү ыкмалары» аттуу семинар КТМУ Теология факультетинин кызматкери Жамила Жораеванын координаторлугунда өткөрүлдү. Семинарда Айдай Кубанычбекова кырсык же күтүүсүз саламаттык көйгөйлөрү жаралган учурда кесипкөй медициналык кызматкерлер келгенге чейин көрсөтүлүүчү аң-сезимдүү жардам тууралуу маалымат берди. Мындай кырдаалдарда адамдын өмүрүн сактап калуу, абалдын оорлоп кетишине жол бербөө жана айыгуу процессин колдоо негизги максат экени белгиленди. Ошондой эле мындай учурда сабырдуулукту сактоо, туура ыкмаларды колдонуу жана окуя болгон жердин коопсуздугун камсыз кылуу өтө маанилүү экени, туура эмес жардам зыян алып келиши мүмкүн экендиги айтылды. Негизги жашоо колдоосу, кан токтотуу жана жаракат алган бөлүктү кыймылдатпай бекитүү алгачкы жардамдын маанилүү элементтери катары түшүндүрүлдү. Алгачкы жардам боюнча билим өзгөчө кырдаалдарда натыйжалуу аракет кылуу жана коомдук саламаттыкты сактоо үчүн өтө маанилүү экени баса белгиленди.
Семинарга болжол менен 300 студент катышып, чоң кызыгуу менен угушту. Программанын соңунда катышуучуларга сый тамак берилди.
