2024-11-26
СТУДЕНТТЕР КҮНҮ МЕНЕН КУТТУКТОО
2024-жылдын 20-ноябрь шаршемби күнү саат 15.30да КТМУ Теология факультетинин алдындагы «Калем» студенттик клубу тарабынан «Студенттик күндү майрамдоо программасы» уюштурулду. Программада викториналык сынак өтүп, ырлар окулуп, кыргыздын улуттук бийлери аткарылып, комуз чертилди. Викторина сынагында ийгиликке жетишкен окуучуларга белектер берилди. Программага активдүү катышкан студенттерге факультеттин жетекчилиги тарабынан ыраазычылык баракчалары тапшырылды. Программа тамактануу менен аяктады.