Имам Матуридинин инсан түшүнүгү
Шейшемби күнү, 2024-жылдын 26-ноябрында, саат 15.20да КТМУнун Теология факультетинин илимий кызматкери Шохимардан Орунбеков “Имам Матуридинин инсан түшүнүгү” деген темада семинар өткөрдү. Семинарга теология факультетинин деканы проф. док. Хасан Айык, илимий жана административдик кызматкерлер катышты. Баяндамачы Имам Матуридинин өмүр жолу, чыгармачылыгы жана устаздары тууралуу кыскача маалымат берди. Андан кийин анын баалуу эмгектеринде инсанга берген баасы жөнундө кенен баяндама жасады. Баяндамада имам Матуриди инсанга карата толеранттулук көз караштары жана инсан жаратылыштагы эң көрктүү жандык экенин айтып өттү. Инсандын шарапаттуу экени ага акыл берилгенине токтолду. башка жандыктардан айырмалаган бир гана өзгөчөлүгу анын акылы деп баса белгиледи. Имам Матуриди да өз эмгектеринде акылга басым жасаганын жана Куран аяттарын чечмелөөдө накыл менен акылды тең салмактуу колдоно билген улуу аалым экенин жар салды. Сөз соңунда угуучулар тарабынан берилген суроолорго жооптор берилди. Семинардын соңунда проф. док. Хасан Айык баяндамачыга ыраазычылык баракчасын тапшырды.
