СЫНЧЫЛЫК ОЙ ЖҮГҮРТҮҮ БИЛИМ БЕРҮҮ ДОЛБООРУ-1,2
2025-жылдын 27-28-январында «Практикада сынчыл ой жүгүртүүнү үйрөтүү» долбоорунун алкагында биринчи семинар өткөрүлдү. Долбоордун жетекчиси – доцент, доктор Нейл КАРАГЕЗ, ал эми долбоор университеттин ректору тарабынан колдоого алынган. Бул долбоорго биздин университетте социалдык илимдер тармагында иштеген илимий кызматкерлер, окутуучулар жана аспиранттар катышууда. Алар студенттерге багытталган, сынчыл ой жүгүртүүнү өнүктүрүүгө жардам берген иш-чараларды үйрөнүшүүдө. Долбоордун алгачкы эки күнүндө катышуучулар сынчыл ой жүгүртүүнү өнүктүрүү боюнча ондон ашык ыкманы колдонушту. Окуу жалпы 32 саатка созулуп, калган сабактар 5, 13 жана 21-февралда өтөт. Катышуучулардын пикирлерине караганда, долбоорго болгон канааттануу деңгээли абдан жогору деп айтууга болот.
